НӨАТ-ын урамшууллын сугалааны ээлжит тохирлыг маргааш буюу 19-ны ням гаригт 18.40 цагаас Боловсрол суваг телевизээр шууд дамжуулна.
Сугалаанд 2019 оны арванхоёрдугаар сарын 01-30-ны өдөр хүртэлх хугацаанд иргэдийн худалдан авалт хийсэн баримтууд хамрагдах юм. Өнгөрсөн сарын баримтуудыг энэ сарын 8-наас өмнө Цахим төлбөрийн баримтын систем буюу ebarimt.mn-д бүртгүүлсэн юм. Энэ удаагийн тохирлын Супер шагнал 60 сая төгрөг байна.
Түүнчлэн иргэдийн 2019 оны худалдан авалтын НӨАТ-ын урамшууллыг ирэх сард олгохоор ажиллаж байгааг татварын байгууллага мэдээлжээ. Урьдчилсан тооцооллоор 139 тэрбум төгрөгийн урамшууллыг 900 мянга орчим иргэнд олгохоор байна.
