Шведийн нийслэл  Стокгольм хотноо Солонгосын хойгийг цөмийн зэвсэггүй бүс болгоход чиглэгдсэн АНУ, Умард Солонгосын төлөөлөгчдийн уулзалт хэлэлцээ эхлээд байна.

Хоёр улсын төлөөлөгчид өчигдөр урьдчилсан уулзалт хийж харилцан  санал  солилцсон байна. Тэд  ажил хэрэгч уулзалтаа  өнөөдөр хийнэ.

Хоёр улсын төлөөлөгчдийн энэ уулзалтад Умард Солонгосын талаас гадаад хэргийн  яамны цөмийн асуудал эрхэлсэн төлөөлөгч Ким Мён Гил тэргүүтэй төлөөлөгчид  оролцож байна. Тэд  өчигдөр  Пёньянаас  Бээжингээр дайран Стокгольмд хүрэлцэн иржээ. Харин  АНУ-ын төлөөлөгчдийг БНАСАУ-ын асуудал эрхэлсэн тусгай элч төлөөлөгч Стивен Бигун  ахалж хэлэлцээнд оролцож байна.

Солонгосын хойгийг цөмийн зэвсэггүй бүс болгоход чиглэгдсэн АНУ, БНАСАУ-ын удирдагчдын  анхны түүхэн уулзалт өнгөрсөн оны зургадугаар сард  Сингапурт болсон. Хоёр дахь уулзалт Вьетнамын  Ханой хотноо болсон ч хоёр удирдагч тохиролцоонд хүрч чадалгүйгээр тарцгаасан юм.