Боловсрол
Элсэлтийн шалгалт орон даяар маргааш эхэлнэ
2025 оны элсэлтийн ерөнхий шалгалт (ЭЕШ) энэ сарын 18-21-нд улс орон даяар явагдана. Нийт 35,939 шалгуулагч Боловсролын үнэлгээний төвд бүртгүүлсэн бөгөөд шалгалтын дүн оноог ил тод, автоматаар үнэлэх, хяналттай технологи ашиглан бодитоор дамжуулах юм байна.
2025-06-17
Сургуулийн хичээлийн жилийн бүтэц 10 жилд 12 удаа өөрчлөгдөж, 2024-2025 онд тогтвортой байв
Сүүлийн 10 жилийн хугацаанд буюу 2014-2024 оны хооронд ерөнхий боловсролын сургуулийн хичээлийн жилийн бүтцэд нийт 12 удаа өөрчлөлт оржээ. Энэ хугацаанд 4 жилд нь 3 улирлын хуваарь, үлдсэн 6 жилд нь 4 улирлын бүтэц хэрэгжиж байв. Бүтцийн давтамжтай өөрчлөлт нь сургууль, эцэг эх, сурагчдын хувьд тодорхой бус байдал үүсгэж, төлөвлөлтөд хүндрэл учруулсаар ирсэн байна.
2025-06-16
“Үе тэнгийн сургагч багш бэлтгэх” сургалтад 40 гаруй хүүхэд хамрагдаж байна
ОБЕГ-ын дэргэдэх Гамшгаас хамгаалах сургалтын төв–116 дугаар анги, НҮБ-ын Хүүхдийн сан, Монголын Хүүхдийн зөвлөлтэй хамтран “Үе тэнгийн сургагч багш бэлтгэх” сургалтыг зургаадугаар сарын 16-17-нд зохион байгуулж байна. Энэхүү сургалтад 21 аймаг, нийслэлийн 9 дүүргийн нийт 40 гаруй сурагч оролцож, гамшгийн эрсдэлийг танин мэдэх, түүнд дасан зохицох мэдлэг, чадвараа нэмэгдүүлж, цаашид үе тэнгийнхэндээ зааж сургах бэлтгэл хангаж байна.
2025-06-16
Элсэлтийн шалгалтын суудлын хуваарь гарлаа
2025 оны Элсэлтийн ерөнхий шалгалтын суудлын хуваарь гарсан бөгөөд шалгуулагчид https://eyesh.eec.mn/profile/login цахим хаягаар нэвтэрч, “Шалгуулагчийн булан” хэсгээс бүртгэлийн дугаар болон нууц үгээ ашиглан хуваариа хэвлэж авах шаардлагатай гэж Боловсролын үнэлгээний төвөөс мэдээллээ.
2025-06-10
Багш нарт зориулсан хөнгөлөлт, урамшууллын картын хөтөлбөр хэрэгжиж эхэллээ
Боловсрол, шинжлэх ухааны яам, Монголын багш нарын холбоо болон М банк хамтран багш нарын нийгмийн хамгаалал, эдийн засгийн ачааллыг бууруулах зорилготой хөнгөлөлт, урамшууллын картын хөтөлбөрийг хэрэгжүүлэхээр боллоо. Энэхүү хөтөлбөр нь төрийн болон хувийн хэвшлийн бүх шатны боловсролын байгууллагад ажиллаж буй багш нарт хамаарах бөгөөд тусгай хөнгөлөлтийн карт олгох байдлаар хэрэгжинэ.
2025-06-09
Онцгой байдлын байгууллагын шинэ алба хаагчид тангараг өргөж, цэргийн бэлтгэл сургуулилтаа дуусгалаа
Онцгой байдлын ерөнхий газрын харьяа Үндэсний аврах бригадад шинээр томилогдсон офицер, ахлагч нарт зориулсан цэргийн бэлтгэл, сургуулилт амжилттай зохион байгуулагдлаа. Энэхүү сургалтын зорилго нь алба хаагчдад цэргийн нийтлэг дүрэм, жагсаалч байдал, албаны ёс зүйн хэм хэмжээг эзэмшүүлж, онцгой байдлын албаны үндсэн зарчим, дэг журам, хамт олны нэгдэл, сахилга хариуцлагыг төлөвшүүлэхэд чиглэжээ.
2025-06-06
Сэлэнгэ аймгийн сурагч охин “Код бичих охидын хөтөлбөрт” тэнцлээ
Сэлэнгэ аймгийн Зүүнбүрэн сумын Ерөнхий боловсролын сургуулийн 10а ангийн сурагч П.Бэрцэцэг “Код бичих охидын хөтөлбөр”-т амжилттай тэнцжээ. Энэхүү хөтөлбөр нь НҮБ-ын Хүүхдийн сангийн санхүүжилтээр хэрэгжиж буй бөгөөд технологийн салбар дахь хүйсийн тэгш бус байдлыг бууруулах зорилготой юм.
2025-06-06
Монгол Улс шүлхий өвчнийг хянах үндэсний хөтөлбөрөө олон улсад баталгаажууллаа
Парис хотноо болсон Дэлхийн мал амьтны эрүүл мэндийн байгууллагын (WOAH) 92 дахь Ерөнхий чуулганы хуралдааны үеэр Монгол Улсын шүлхий өвчинтэй тэмцэх албан ёсны хяналтын үндэсний хөтөлбөрийг батламжилж, гэрчилгээ гардууллаа. Энэхүү үйл явдал нь манай улсын хувьд олон улсын тавцанд өвчний хяналтын арга хэмжээнийхээ үр дүн, стандартын нийцлийг албан ёсоор хүлээн зөвшөөрүүлсэн томоохон алхам боллоо.
2025-06-06
1915-1916 оны хүн амын тооллогын баримтуудыг багтаасан есөн боть бүтээл танилцуулагдлаа
Өнөөдөр “Чингис хаан” үндэсний музейн цуврал лекцийн ээлжит зочноор Польшийн аялагч, Варшавын их сургуулийн профессор Агата-Бария Стажинск уригдан оролцож, Монгол Улсад 1915-1916 онд явагдсан хүн ам, статистикийн холбогдолтой ховор баримтуудын талаар илтгэл тавилаа. Энэхүү илтгэлийн хүрээнд профессор Стажинск болон музейн захирал, академич С.Чулуун нар хамтран бэлтгэсэн “Монгол улсын хүн амын тооллогын хэрэглэгдэхүүн” хэмээх есөн боть номын агуулгыг олон нийтэд танилцуулсан юм.
2025-06-04
Архангай аймгийн Политехникийн коллеж 1309 суралцагчтайгаар хичээлийн жилийг амжилттай өндөрлүүллээ
Архангай аймгийн Политехникийн коллеж 52 дахь хичээлийн жилийн төгсөлтийн баяраа өнөөдөр тэмдэглэж, техникийн болон мэргэжлийн боловсрол эзэмшсэн төгсөгчдөдөө диплом гардууллаа. 2024-2025 оны хичээлийн жилд нийт 1309 суралцагчтайгаар үйл ажиллагаагаа явуулсан тус сургууль энэ удаад 304 төгсөгчийг хөдөлмөрийн зах зээлд бэлтгэн гаргаж байна.
2025-06-04
Номын шүүмж: “Охидын 1000 захидлын хариу” – Ж.Нямаа
“Охидын 1000 захидлын хариу” бол зүгээр нэг ном биш. Энэ бол Монголын өнцөг булан бүрээс бичигдсэн өсвөр насны охидын дотоод дуу хоолой, мэдрэмж, айдас, асуулт, итгэл найдвар, сэтгэлийн шаналлыг бодитоор илэрхийлсэн амьд цуглуулга юм.
2025-06-04
Төв аймгийн сурагчид солонгос хэлний цахим сургалт, соёлын солилцоонд хамрагдлаа
Төв аймгийн ахлах ангийн 20 сурагч энэ оны тавдугаар сарын 29, 30-ны өдрүүдэд зохион байгуулсан Солонгос хэлний цахим сургалт болон соёлын солилцооны хөтөлбөрт амжилттай оролцлоо.
2025-06-04
Дорноговь аймгийн музей хүүхдүүдэд соёл, түүхийн мэдлэг олгож байна
Дорноговь аймгийн Музей, сургалт, судалгааны төв иргэд, тэр дундаа хүүхэд, багачуудын соёлын боловсролыг нэмэгдүүлэх, түүх, зан заншлын мэдлэгийг нь гүнзгийрүүлэх зорилгоор “Музейн боловсролын хөтөлбөр”-ийг амжилттай хэрэгжүүлж байна.
2025-05-29
Аюулгүй байдлаа өдөр бүр баталгаажуулцгаая
Онцгой байдлын байгууллагаас танд өөрийн болоод өрхийн эрсдэлийг үнэлж, түүнээс урьдчилан сэргийлэх боломжийг сар бүрийн сүүлийн долоо хоногийн пүрэв гараг бүр олгож байна. Та quiz.belenbai.mn сайтад хандсанаар ердөө 2-3 минут зарцуулж, дараах гурван төрлийн хяналтыг хийх боломжтой:
2025-05-29
Кристофер П.Этвүүд: “Монголын нууц товчоо” бол өрнөдийн уншигчдад монголын түүхийг таниулах онцгой гүүр юм
Америкийн Монгол судлалын төвийн урилгаар нэрт монгол судлаач, Пенсильванийн их сургуулийн профессор Кристофер П.Этвүүд “Монголын нууц товчоо ба монгол судлалын ирээдүй” сэдвээр лекц уншлаа. Энэхүү лекц нь Улаанбаатар хотын нийтийн номын сангийн дэргэдэх Америкийн соёл мэдээллийн төвд болж, түүний 2023 онд англи хэлнээ хөрвүүлсэн "Монголын нууц товчоо" орчуулгын талаар төвлөрсөн агуулгатай байсан юм.
2025-05-28
Сампингийн тэмцээнд Дундговийн сурагчид амжилттай оролцож, дэлхийн аваргын эрх хүртлээ
Улаанбаатар хотноо тавдугаар сарын 24, 25-ны өдөр зохион байгуулсан Сампин, цээж тооллын үндэсний аварга шалгаруулах тэмцээнд Дундговь аймгийн “Соробан” сампин сургалтын төвийн 28 суралцагч оролцож, 18 хүүхэд эхний гурван байрт шалгарлаа. Эдгээр хүүхдүүд эх орноо төлөөлөн Гүрж улсын нийслэл Тбилиси хотод болох дэлхийн аваргад оролцох эрхээ авч, оюуны спортын талбарт бахархам амжилт үзүүлжээ.
2025-05-28
Монголын эзэнт гүрний үед эмэгтэйчүүдийн гүйцэтгэсэн үүргийг онцолсон лекц боллоо
“Чингис хаан” үндэсний музей, Чингис хаан Судлалын олон улсын холбоо хамтран өнөөдөр олон нийтэд зориулсан цуврал лекцийг зохион байгууллаа. Уг арга хэмжээнд Австрийн Шинжлэх ухааны академийн Иран судлалын хүрээлэнгийн эрдэм шинжилгээний ажилтан, судлаач Бруно де Никола оролцож, “Монголын эзэнт гүрний үеийн улс төр, эдийн засаг, шашин, соёлд тал нутгийн эмэгтэйчүүдийн гүйцэтгэсэн үүрэг, оролцоо” сэдвээр илтгэл тавьсан юм.
2025-05-28
ХУД-ийн 24 дүгээр хороонд шинэ сургууль, цэцэрлэгийн цогцолбор баригдаж байна
Нийслэлийн төсвийн хөрөнгө оруулалтаар Хан-Уул дүүргийн 24 дүгээр хороонд 240 хүүхдийн суудалтай бага сургууль, цэцэрлэгийн цогцолбор баригдаж байгаа бөгөөд барилгын ажил өнөөдрийн байдлаар 88 хувийн гүйцэтгэлтэй үргэлжилж байна.
2025-05-28
Мэргэжлийн боловсролоор хос мэргэжил эзэмших боломж нээгдэж байна
Мэргэжлийн боловсролын сургууль, политехник коллежууд нь хөдөлмөрийн зах зээлд эрэлттэй, тэргүүлэх чиглэлийн мэргэжлүүдээр мэргэжилтэй ажилтан бэлтгэх сургалтыг эрчимжүүлэн зохион байгуулж байна гэж Боловсролын яамнаас мэдээллээ.
2025-05-28
Сонгинохайрханд 280 хүүхдийн сургууль, цэцэрлэгийн цогцолбор баригдаж байна
Нийслэлийн төсвийн хөрөнгө оруулалтаар Улаанбаатар хотын Сонгинохайрхан дүүргийн 8 дугаар хороонд 280 хүүхдийн багтаамжтай бага сургууль, цэцэрлэгийн цогцолборын барилгын ажил ид өрнөж байна. Тус барилга нь 36x36 метр хэмжээтэй, хоёр давхар бүтэцтэй бөгөөд хүүхдийн хөгжлийг дэмжих зориулалт бүхий спорт заалтай байхаар төлөвлөгджээ.
2025-05-26
