Шинэ үеийн хиймэл дагуулуудыг хөөргөснөөр хиймэл дагуулын Starlink сүлжээ ойрын 2-3 жилийн хугацаанд мэдээлэл дамжуулах хүчин чадлаа 100 дахин нэмэгдүүлнэ. Энэ тухай ТАСС мэдээлснийг Kazinform агентлаг дамжууллаа.
Starlink-ийн захирал Илон Маскийн ярьснаар, дэлхий орчмын тойрог замд тус компанийн 11 мянга орчим хиймэл дагуул байрлаж байгаа бөгөөд тэдгээрийн ихэнх нь II үеийн хиймэл дагуулууд ажээ. Starlink компани III үеийн /V3/ хиймэл дагуулуудаа хэдийн хөөргөөд эхэлсэн бөгөөд өмнөх загваруудтай харьцуулахад тэдгээрийн мэдээлэл дамжуулах хүчин чадал нь 10 гаруй дахин илүү ажээ. Үүний зэрэгцээ хөөргөж буй аппаратуудын тоог 10 дахин нэмэгдүүлэхээр төлөвлөж байна. Энэ бүхний дүнд хиймэл дагуулын сүлжээний хүчин чадал ойрын 2-3 жилийн хугацаанд 100 дахин нэмэгдэх боломжтой гэдгийг И.Маск онцоллоо.
Үүний зэрэгцээ тус компани IV үеийн /V4/ хиймэл дагуулыг зохион бүтээж байгаа бөгөөд өмнөх V3 хувилбартай харьцуулахад 10 дахин илүү хүчин чадалтай байх юм.
Ташрамд дурдахад, И.Маскийн SpaceX компани Apollo компаниас 40 тэрбум долларын үнэ бүхий хиймэл оюун ухааны чипүүдийг худалдан авах гэрээ байгуулсан тухай өмнө нь мэдээлсэн билээ.
Kazinform
