Сүүлийн хоёр жилийн хугацаанд Дорнод аймагт улсын төсвийн хөрөнгө оруулалтаар хэрэгжүүлж буй 12 бүтээн байгуулалтын ажлаас хоёр нь царцсан байдалтай байгаа талаар аймгийн Засаг даргын Тамгын газрын Хөрөнгө оруулалт, хөгжлийн бодлогын хэлтсээс мэдээллээ.

Дорнод аймагт Хоршоо хөгжүүлэх сангийн үйл ажиллагаа 2011 оноос эхэлсэн бөгөөд тухайн үед 3.2 тэрбум төгрөгийн эх үүсвэртэйгээр хэрэгжиж байв. Харин өнөөдрийн байдлаар эргэн төлөлттэйгээ нийлээд 4.5 тэрбум төгрөгийн эргэлтийн хөрөнгийн сантай болж, нутгийн иргэдийн бичил бизнес, жижиг үйлдвэрлэлийг дэмжих чухал санхүүгийн хэрэгсэл болон тогтножээ.

Монголын барилгачдын нэгдсэн холбооны ээлжит VII их хурал болж, барилгын салбарыг мэргэжлийн өндөр түвшинд хүргэх, үндэсний бүтээн байгуулалтад оролцох боломж, шаардлагыг хэлэлцэн, “Шинэ 100 стратеги”-ийг танилцуулж байна. Уг стратеги нь барилгын салбарын хөгжилд тулгамдаж буй асуудлуудыг шийдвэрлэх, салбарын тогтвортой өсөлтийг хангах, ирээдүйд үнэ цэнтэй нийгмийг бий болгох зорилготой юм.

2025 оны нэгдүгээр улиралд өрхийн сарын дундаж бодит орлого 1.8 сая төгрөг болсон нь өмнөх оны мөн үеэс 99.2 мянган төгрөгөөр нэмэгджээ. Энэ өсөлтөд цалин, тэтгэвэр, тэтгэмжийн орлого голлон нөлөөлсөн байна. Цалин хөлсний орлого 52.5 мянгаар, тэтгэвэр, тэтгэмж 17 мянгаар өссөн нь нийт бодит орлогыг 5.8 хувиар нэмэгдүүлжээ.

Энэтхэг улс дэлхийн “шинэ үйлдвэр” болох зорилгодоо нэг алхам ойртож буй мэт харагдаж байсан энэ үед АНУ болон Хятад худалдааны “шинэ тохиролцоо” байгуулснаар тус зорилгыг бүдгэрүүлэх эрсдэл үүсэв. Өнгөрсөн долоо хоногт Швейцарьт болсон хэлэлцээрийн үр дүнд АНУ-ын Хятадад ногдуулсан тариф 145 хувиас гэнэт 30 хувь руу буурсан бол Энэтхэгийн экспортод одоогоор 27 хувийн тариф үйлчилсээр байна.

CNBC-ийн мэдээлснээр, АНУ болон Иран цөмийн хөтөлбөрийн асуудлаар тохиролцоонд хүрэх төлөвтэй байгаа нь олон улсын нефтийн зах зээлд нөлөөлж, газрын тосны үнэ пүрэв гарагт огцом унасан байна.

Европын сэргээн босголт, хөгжлийн банк (ЕСБХБ)-ны 2025 оны жилийн уулзалт, бизнес форум Английн Лондон хотод энэ сарын 13-15-ны өдрүүдэд зохион байгуулагдаж, 2026–2030 оны гурав дахь стратегийн төлөвлөгөөг баталлаа. Энэ удаагийн чуулга уулзалтаар банкны үйл ажиллагааг Сахарын цөлийн өмнөд бүс болон Африкийн орнуудад тэлэх хүрээнд Бенин, Кот д’Ивуар, Нигери улсыг банкны хүлээн авагч улс хэмээн албан ёсоор баталжээ.

Үндэсний статистикийн хорооноос мэдээлснээр Монгол Улс 2025 оны эхний дөрвөн сард 135 улстай худалдаа хийж, нийт гадаад худалдааны бараа эргэлт 7.8 тэрбум ам.долларт хүрсэн байна.

2025 оны тавдугаар сарын 13–15-ны өдрүүдэд БНХАУ-ын баруун урд бүс нутагт болсон коксжих нүүрс, коксын зах зээлийн XII удаагийн олон улсын уулзалтад “Монголын хөрөнгийн бирж” ХК-ийн Гүйцэтгэх захирлын үүргийг түр орлон гүйцэтгэгч Б.Дөлгөөн болон Уул уурхайн бүтээгдэхүүний арилжааны биржийн гишүүнчлэл хариуцсан мэргэжилтэн А.Цэрэнлхам нар оролцлоо.

2025 оны эхний дөрвөн сард үнэт цаасны зах зээлийн нийт арилжаагаар 260.1 тэрбум төгрөгийн гүйлгээ хийгдсэн нь өмнөх оны мөн үеэс 25.8 тэрбум төгрөгөөр өссөн үзүүлэлт болжээ. Гэсэн хэдий ч арилжсан үнэт цаасны хэмжээ огцом буурсан байна.

Монгол Улс 2024 оны тавдугаар сарын 14-ний өдөр 295.3 мянган тонн нүүрс экспортолсон тухай Гаалийн ерөнхий газар мэдээллээ. Харин оны эхнээс нийт 25.6 сая тонн нүүрс гадагш гаргасан нь өнгөрсөн оны мөн үетэй харьцуулахад 5.9 хувиар буурсан үзүүлэлт юм.

2024 оны эцсийн тооллогоор улсын хэмжээнд 26.7 сая төллөх мал бүртгэгджээ. Харин энэ оны эхний 4 сарын байдлаар нийт 14.9 сая төл хүлээн авсан нь мал төллөлт тогтвортой, сайн явагдаж буйг харуулж байна.

Үндэсний статистикийн хорооны мэдээлснээр 2025 оны дөрөвдүгээр сарын байдлаар гүйлгээнд гарсан бэлэн мөнгө 1.1 их наяд төгрөгт хүрсэн нь өмнөх оны мөн үеэс 0.6 тэрбум төгрөгөөр өссөн байна. Энэ нь мөнгөний эргэлт нэмэгдэж буйг илтгэж байгаа бол нийлүүлэлтийн бүтцийн 88.2 хувийг дотоод цэвэр актив бүрдүүлсэн нь дотоод эдийн засгийн идэвхжил нэмэгдсэнийг харуулж байна. Дотоод цэвэр актив 36.6 их наяд төгрөгт хүрч, нэг жилийн хугацаанд 8.3 их наядаар өссөн бол гадаад цэвэр актив 4.9 их наяд төгрөгт хүрч, 1 их наядаар буурсан нь анхаарал татаж байна.

Үндэсний статистикийн хорооны мэдээлснээр, 2025 оны дөрөвдүгээр сарын байдлаар мал, түүхий эдийн дундаж үнэ олон аймагт өссөн үзүүлэлттэй гарчээ. Хамгийн өндөр үнэтэй малд атан тэмээ тооцогдож байгаа бөгөөд нэг толгойн үнэ 1.5 сая төгрөгт хүрч, өнгөрсөн оны мөн үеийнхээс 110.1 мянган төгрөгөөр нэмэгджээ.

Өнөөдөр ээлжит “Үрийн болон хүнсний улаанбуудайн дуудлага худалдаа” цахим хэлбэрээр амжилттай зохион байгуулагдлаа. Арилжаанд хоёр аж ахуйн нэгж оролцож, нийт 114 сая төгрөгийн үнийн дүн бүхий 71.6 тонн хоёр сортын үрийн буудайг амжилттай арилжаалжээ.

Үндэсний статистикийн хорооны мэдээлснээр, 2025 оны тавдугаар сарын 1-ний байдлаар хаврын тариалалтад бэлэн байгаа буудайн үр 32 мянган тонн байна. Энэ нь өнгөрсөн оны мөн үетэй харьцуулахад 22.1 мянган тонноор буурсан үзүүлэлт юм.

Монгол Улсын хэмжээнд 2025 оны дөрөвдүгээр сард хэрэглээний бараа, үйлчилгээний үнэ өмнөх оны мөн үеийнхээс 8.6 хувиар өссөн байна. Энэ нь 2024 оны дөрөвдүгээр сарын инфляцын түвшнээс 2.9 нэгж хувиар өссөн үзүүлэлт болж байна.

Монголын Үндэсний үйлдвэрлэлийн бараа бүтээгдэхүүнийг экспортлох, Австралийн зах зээлд таниулах зорилготой тус үзэсгэлэн хоёр дахь жилдээ болж байна. Үзэсгэлэнгийн үеэр бараа бүтээгдэхүүний дээжийг үйлдвэрийн анхдагч үнээр /тээврийн зардал нэмсэн/ худалдан борлуулах юм.

Монгол Улсын дотоод худалдааны борлуулалтын орлого 2025 оны эхний улиралд 14.1 их наяд төгрөгт хүрсэн нь өнгөрсөн оны мөн үеийнхээс 54 тэрбум төгрөгөөр өссөн үзүүлэлттэй гарлаа. Энэ нь дотоод худалдааны салбар эдийн засгийн өсөлтөд бодитой хувь нэмэр оруулж буйг харуулж байна.

Тариалангийн үйлдвэрлэл эрхэлж буй иргэн, аж ахуйн нэгжүүдийн үйлдвэрлэсэн бүтээгдэхүүнд мөнгөн урамшуулал олгох, мөн мөнгөн бус дэмжлэг үзүүлэх журам хэрэгжиж эхэлж байгаа талаар Хүнс, хөдөө аж ахуй, хөнгөн үйлдвэрийн яамнаас мэдээллээ. Хүнсний ногоо тариалагчид энэ хүрээнд зургаадугаар сарын 1-нээс урамшууллаа авах боломжтой болж байна.