x

Японы буцалтгүй тусламжаар баригдсан АШУҮИС-ийн эмнэлэг зургаадугаар сард нээлтээ хийнэ

Японы улсын буцалтгүй тусламжаар баригдсан АШУҮИС-ийн эмнэлэг ирэх зургаадугаар сард нээлтээ хийх гэж буйтай холбогдуулан Япон улсаас  Монгол Улсад суугаа Элчин сайд М.Такаокаг Эрүүл мэндийн сайд Д.Сарангэрэл хүлээн авч уулзлаа.

Элчин сайд М.Такаока энэхүү эмнэлгийн нээлтэд Япон улсын гадаад хэргийн сайд  биeчилэн оролцох талаар дурьдаж мөн Япон улсаас Монгол Улсад суугаа Элчин сайдын хувиар нээлтийн үйл ажиллагаанд ач холбогдол өгч байгаагаа илэрхийллээ.

Мөн япон мeнeжмeнтээр ажиллах тус эмнэлгийн захирлаар энэ чиглэлийн мэдлэг мэдээлэлтэй Японы эмнэлгийн тусламж үйлчилгээний тухай ойлголттой, япон хүмүүстэй харилцаж сурсан байдлыг харгалзан үзэж эмнэлгийн даргыг томилохыг хүслээ. Ингэснээр япон стандартын эмнэлгийн тусламж үйлчилгээг Монголын ард иргэдэд үзүүлэхэд ач холбогдолтой болохыг ноён М.Такаока хэлсэн үгэндээ онцлолжээ.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

Top