2025 оны элсэлтийн ерөнхий шалгалтын математикийн хичээлд зориулсан 1000 нээлттэй даалгавар албан ёсоор нийтлэгдлээ. Энэ удаагийн онцлог нь шалгалтын бодлогуудыг блюпринтийн дагуу шууд эдгээр даалгавраас сонгон бүрдүүлж байгаагаараа анхных юм.

Ийм хэлбэрээр бэлтгэсэн даалгаврууд нь сурагчдад математик хичээлийн агуулга, хэлбэр, хандлагыг илүү сайн ойлгох, шалгалтад бэлтгэхэд зорилготой. Шалгуулагчид уг даалгавруудыг хангалттай гүйцэтгэснээр ЕШ-д амжилттай оролцох мэдлэг, чадвараа төлөвшүүлж чадна хэмээн боловсролын салбарынхан үзэж байна.

Даалгаврын багцад:

• Тоо, алгебр

• Геометр

• Магадлал, статистик

• Функц зэрэг үндсэн бүлгүүдийн даалгавар багтсан.

Шалгалтад бэлтгэж буй сурагчид, багш нар дараах холбоосоор дамжин нээлттэй 1000 даалгаврыг татан авах боломжтой:

👉 Математикийн нээлттэй даалгавар үзэх 

Эх сурвалж: Боловсролын үнэлгээний төв