Сагсан бөмбөгийн Азийн аваргуудын лигийн Зүүн бүсийн урьдчилсан шатны тэмцээний хэсгийн тоглолтууд өндөрлөж, Монгол Улсаас оролцсон “Хасын Хүлэгүүд” баг 100 хувийн амжилттайгаар хасагдах шатанд шалгарлаа.

Арабын Нэгдсэн Эмират улсын Аль-Айн хотноо болсон шатрын Азийн аварга шалгаруулах тэмцээн өндөрлөж, Монголын шатарчин, ФИДЕ-ийн дэд мастер Б.Мөнгөнзул эмэгтэйчүүдийн ангилалд мөнгөн медаль хүртлээ. Тэрбээр есөн өрөгт долоон оноо цуглуулан, коэффицентийн зөрүүгээр хоёрдугаар байрт шалгарсан байна. Энэ амжилтаар тэрбээр ААШТ-ээс мөнгөн медаль хүртсэн анхны монгол эмэгтэй шатарчин боллоо.

Forbes сэтгүүлээс гаргасан 2025 оны дэлхийн хамгийн өндөр орлого олсон тамирчдын жагсаалтыг Португалын хөлбөмбөгчин Криштиану Роналду гурав дахь жилдээ дараалан тэргүүллээ. Түүний энэ жилийн нийт орлого 275 сая ам.долларт хүрсэн нь өмнөх оныхоос 15 сая ам.доллараар өссөн үзүүлэлт юм.

Тоглолт наймаалцах, бооцоо тавих, хуурч мэхлэх зэрэгтэй тэмцдэг олон улсын байгууллага болох Британийн “ESIC (Esports Integrity Commission)”-оос Монголын ATOX багийн гишүүдэд сахилгын шийтгэл оноолоо. Тус багийг ESL Pro League Season 20-ийн үеэр “Team Falcons” багийн эсрэг тоглолт наймаалцсан байж болзошгүй үндэслэлээр шалгаж эхэлсэн бөгөөд олон сарын турш үргэлжилсэн мөрдөн шалгах ажиллагааны эцэст нотлох баримтууд бүрдсэн байна.

Арабын Нэгдсэн Эмират Улсын Аль-Айн хотод болж буй насанд хүрэгчдийн шатрын Ази тивийн аварга шалгаруулах тэмцээний сүүлийн өрөг өнөөдөр явагдана. Энэ удаагийн тэмцээнд Монгол Улсаас эрэгтэй 5, эмэгтэй 12 тамирчин оролцож байна.

Ардын хувьсгалын 104 жилийн ойн Үндэсний их баяр наадам болоход хоёр сар хүрэхгүй хугацаа үлдээд байна. Наадмын гол төрлүүдийн нэг болох үндэсний бөхийн барилдаанд тав давж, улсын начин цол хүртсэн хамгийн залуу бөхөд хурдан удмын даага бэлэглэх уламжлал Монголын залуучуудын холбооны зүгээс сүүлийн жилүүдэд тогтсон билээ.

Италийн Цомын тэмцээний 2024 оны шувтаргын тоглолтод “Болонья” баг “Милан”-ыг 1:0 харьцаагаар хожиж, 1974 оноос хойш анх удаа энэ цомыг хүртлээ. Тоглолт Ром хотын “Олимпико” цэнгэлдэх хүрээлэнд болсон байна.

Олон улсын жүдо бөхийн холбоо 2025 он гарснаас хойш зохион байгуулсан “Их дуулга” ангиллын зургаан тэмцээний үр дүнд үндэслэн шинэчилсэн чансааг зарлалаа. Энэхүү чансаагаар жингийн ангилал тус бүрт эхний 100-д багтсан тамирчид ирэх зургадугаар сарын 13-нд Унгарын Будапешт хотод болох Дэлхийн аварга шалгаруулах тэмцээнд (ДАШТ) оролцох эрхээ авч байна.

Дундговь аймгийн Засаг даргын Тамгын газар, Биеийн тамир, спортын газар болон спортын холбоод хамтран энэ сарын 8-10-нд иргэдийн спортын наадмыг амжилттай зохион байгуулж, 9 сумаас нийт 472 тамирчин оролцлоо.

Японы мэргэжлийн сумо бөхийн зуны нацү башё Токио хотын “Рёогокү Кокүгикан” ордонд эхэлж, монгол бөхчүүд дээд болон доод зиндаанд амжилттай барилдаж байна. Энэ удаагийн башёд мэргэжлийн сумогийн 74 дэх аварга Хоошёорюү С.Бямбасүрэн манлайлан оролцож байгаа бөгөөд нийт Монголын 21 сүмоч таван зиндаанд хүч үзэж байна. Үүнээс найман бөх макүүчи буюу дээд зиндаанд барилдаж байгаа юм.

Хоёр жил тутамд уламжлал болгон зохион байгуулдаг Монголын хүүхдийн спортын зуны VIII наадам энэ сарын 26-наас албан ёсоор эхэлнэ. 10 хоног үргэлжлэх энэхүү томоохон спортын арга хэмжээнд 21 аймаг, нийслэлийн есөн дүүргээс шалгарсан өсвөрийн шилдэг тамирчид хурд хүч, авхаалж самбаагаа сорин өрсөлдөх юм.

Сагсан бөмбөгийн Азийн аваргуудын лигийн тэмцээн Улаанбаатар хотын “М банк арена”-д үргэлжилж байна. Монголын лигийн аварга “Хасын Хүлэгүүд” баг “В” хэсгийн дөрөв дэх тоглолтоо Тайванийн “Кингс” багтай хийж, 94:73-ын харьцаатай хожлоо. Энэ ялалтаар “Хүлэгүүд” дөрвөн дараалсан хожилтойгоор хэсгээ тэргүүлж байна.

Говь-Алтай аймгийн ерөнхий боловсролын сургуулийн ахлах ангийн сурагчдын дунд зохион байгуулсан аймгийн Засаг даргын нэрэмжит цэрэг-спортын “Дөл-2025” цогцолбор тэмцээн амжилттай болж өндөрлөлөө.

Монголын үндэсний бөхийн холбооноос энэ улирлаас эхлэн бөхчүүдийн амжилтыг чансааны оноогоор үнэлж эхэлсэн бөгөөд өнөөдрийн байдлаар 500 бөх эрэмбэлэгдээд байна. Намрын барилдааны нээлтээс хойш нийт 30 барилдаан зохион байгуулагдаж, хамгийн сүүлд энэ сарын 11-нд болсон арслан цолны хүндэтгэлийн барилдаанд гурав давж 300 оноо авсан Ховд аймгийн Зэрэг сумын харьяат, улсын заан Б.Бат-Өлзий анх удаа чансааг тэргүүлж эхэлжээ.

Бразилын хөл бөмбөгийн холбооноос мэдээлснээр Италийн алдарт дасгалжуулагч Карло Анчелотти тус улсын шигшээ багийн ахлах дасгалжуулагчаар ажиллахаар боллоо. Түүний гэрээ 2026 оны Дэлхийн аварга шалгаруулах тэмцээн хүртэл хүчин төгөлдөр байх юм.