Нийслэлийн ногоон бүс болон ой, хээрийн бүсэд гал түймрийн эрсдэл өндөр байгаа талаар нийслэлийн Онцгой байдлын газраас анхаарууллаа. Амралтын өдрүүдээр иргэдийн хашааны шар өвс шатаах, гагнуур хийх зэрэг үйлдлээс шалтгаалсан гал алдсан дуудлага нэмэгдэж буйг онцлон мэдээлсэн байна.
Иргэдийг ой, хээрийн түймрээс урьдчилан сэргийлэхийн тулд дараах зөвлөмжийг чанд мөрдөхийг уриаллаа:
-
Ногоон бүсэд зорчихгүй байх
-
Зуслангийн бүсэд оршин суугчид хашааны шар өвс шатаахгүй байх
-
Гагнуурын ажил хийхгүй байх
-
Ил гал гаргахгүй байх
-
Эргүүл хяналтын бүрэлдэхүүний заавар, зөвлөмжийг дагаж, аюулгүй байдлаа хангах
Нийслэлийн Онцгой байдлын газар иргэдийг хариуцлагатай байж, болзошгүй эрсдэлээс урьдчилан сэргийлэхийг дахин сануулж байна.
Эх сурвалж: Нийслэлийн Онцгой байдлын газар
