АНУ-ын Райсын их сургуулийн эрдэмтэд залуучуудын дунд өөхлөлт нэмэгдсэний нэг гол шалтгаан нь дижитал төхөөрөмжүүдийг тэд хэтэрхий ихээр хэрэглэн хамааралд орсон явдал гэж үзжээ. Ухаалаг утсыг байнга хэрэглэх нь хоолны дур хүслийг нэмэгдүүлдэг ба анхааралгүй хоолны хүслээ гар утасны хамт гүйцэтгэх нь биеийн жинг нэмэгдүүлдэг байна.
"Гар утас, таблет бусад төхөөрөмжүүд сүүлийн жилүүдэд бидний амьдралыг эрс өөрчилж байна. Мөн тэд гарч ирснээс хойш таргалалт дэлхий даяар нэмэгдлээ" гэж судалгааны тэргүүлэгч Ричард Лопес (RichardLopez) тэмдэглэжээ.
Судалгаанд 18-23 насны 132 сайн дурынхныг хамруулсан бөгөөд гар утсаа байнга шалгах, үзэх хяналтгүй хүсэлтийг нь тогтоох асуудлыг тэднээр бөглүүлсэн байна.
Мөн ажилд нь юу саад болдгийг тэднээс асуужээ. Гар утастай хэт "нөхөрлөсөн" хүмүүст биеийн жингийн өндөр индекс, организм дэх илүү их өөх бүртгэгджээ. Тийм хүмүүс олон төхөөрөмжөөс зэрэг зэрэг мэдээлэл авч солилцож байжээ.
Эрдэмтэд сайн дурынхны 72 хүний тархинд соронзон резонансийн томографын тусламжтайгаар бичлэг хийж үзжээ. Энэ ажиллагааны явцад хоорондоо холбоогүй өөх тостой амттай хоол зэргийн зургуудыг тэдэнд үзүүлсэн байв. Сүлжээний мэдээлэлээр идэвхитэй хүмүүсийн тархи тэр зургаас хоолны зурагт тархины идэвхжилт нь нэмэгдсэн байжээ.
М.Цогт
