Цайг халуунаар их хэрэглэх нь бүдүүн гэдэсний хорт хавдар үүсгэх аюултай гэдгийг эрдэмтэд тогтоожээ.
Тегераны Анагаахын их сургуулийн мэргэжилтнүүд Их Британи, АНУ-ын хэсэг эрдэмтдийн хамт 10 жилийн турш 40-75 насны 50 мянган хүнд ажиглалт хийжээ. Энэ хугацаанд 317 хорт хавдрын тохиолдол илрүүлсэн байна.
Хоол боловсруулах эрхтний хорт хавдар үүсэх эрсдэл 60°C градусаас илүү халуу цайнд дуртай хүмүүст их байсан байна. 700 миллилитр халуун цай хэрэглэгчид ба түүнээс доош хэмжээний хэрэглэгчдийг хооронд нь харьцуулан үзэхэд эхний хэсэгт нь хорт хавдар үүсэх эрсдэл 90%-иас дээш байв.
“Олон хүн халуун цай, кофенд дуртай гэтэл бидний тайланд маш халуун цай хэрэглэх нь хоол боловсруулах эрхтнүүдийн хорт хавдрыг үүсгэх аюултай гэж гарсан. Тиймээс халуун ундааг хөргөж байж хэрэглэх нь зүйтэй” гэж судалгааны удирдагч, Америкийн хорт хавдрын хүрээлэнгийн ажилтан Фархад Ислами (Farhad Islami) хэлжээ.
М.Цогт