x

Дакар ралли: Ах дүү мастерууд эх орондоо ирлээ

2019 оны нэгдүгээр сарын 06-17-ны хооронд Перу улсад 10 хоног үргэлжилсэн "Дакар ралли" олон улсын тэмцээнд амжилттай оролцсон Монголын баг тамирчид өнөөдөр эх орондоо ирлээ.

Ах, дүү Ө.Бямбадэлгэр, Ө.Бямбацогт нар UTV OPEN ангилалд Монголоос анх удаа оролцохдоо түүхэн амжилт үзүүлж, гуравдугаар байр эзэлсэн билээ.

Харин мотоциклын төрөлд уралдсан Н.Лхамаа зургаа дахь гарааны үеэр бусдын алдаанаас болж замаа дуусгаж чадаагүй харамсалтай явдал болсон.

41 дэх удаагийн “Дакар Ралли”-д 61 орны 541 оролцогч, 334 техник хэрэгсэлтэйгээр 10 өдрийн турш уралдаж, 5000 километр замыг туулжээ.  

“Dakar 2019 Team Mongolia” багийн бүрэлдэхүүнд багийн ахлагч, чиглүүлэгчээр Ө.Бямбадэлгэр, жолоочоор Ө.Бямбацогт, техникийн бүрэн бүтэн байдлыг хангагчаар Б.Баттөр нар ажилласан бол спортын сэтгүүлч Б.Онон анх удаа албан ёсны эрхтэйгээр Раллиг сурвалжилсан юм.

“Дакар Ралли” олон улсын уралдаанд Монголын баг тамирчид анх 2013 онд мотоциклийн төрлөөр оролцож эхэлсэн бөгөөд 2015 оноос автомашин нэмэгдсэн юм.

“Dakar 2019 Team Mongolia” баг, бүрэлдэхүүнд дахин баяр хүргэе!Image may contain: 3 people, people standing and outdoor

Image may contain: 2 people

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

Top