Францын нэгэн хос 159 муур, 7 нохойн хамт 80 метр квадрат байрандаа амьдардаг аж. Өнгөрсөн жил тэдний гэрт зочилсон цагдаагийн офицер энэ хосын гэрт амьдрах тэжээвэр амьтад маш бохир заваан, уух усгүй харангадам нөхцөлд хоол тэжээлийн дутагдалд орж, шимэгчид бариулан амьдарч байгааг олж илрүүлжээ.
Францын шүүхээс энэ хосыг "амьтантай хэрцгий харьцсан" хэмээн дүгнэж, цаашид тэжээвэр амьтантай байхыг нь хориглосон шийдвэр гаргасан байна.
Мөн амьтанд учруулсан хохирлынхоо төлөө амьтны эрхийн төлөө байгууллагуудад 150 мянган еврог хандивлах торгуулийн заалт нэмж шийтгэжээ. Шүүхийн өмнөх мөрдөн шалгалтын явцад тэднийд байсан амьтдын зарим нь үрэгдсэн байдалтай байхыг олсон байна.
Хосууд анх 2018 оноос гэртээ цөөн тоогоор амьтан авчирч эхэлжээ. Улмаар гэрт байсан муурнууд хоорондоо үржилд орж энэ хэмжээнд хүрчээ. Сэтгэцийн эмч нар хосыг "Ноагийн синдром" буюу амьтан аврах синдромтой гэж оношилсон байна.