Эрүүл мэндийн яамнаас коронавируст халдварын нөхцөл байдлын талаар ээлжит мэдээллээ хийв. Энэ үеэр ДЭМБ-ын мэргэжилтэн О.Ариунтуяа ДЭМБ-ын мэдээлэл болон вакцины талаар товч мэдээлэл өглөө. 

Тэрээр "Сүүлийн 24 цагийн байдлаар хүн амийн дунд тархалт өндөр байгаа улс орнуудад коронавирусийн өвчлөл багасах хандлага гарч байна. Нас баралтын хувьд одоогоор Франц хамгийн өндөр буюу 15 хувьтай байгаа бол Италид 12, Испанид 10 хувь байна.

Эмнэл зүйн туршилтад 90 гаруй орны 900 гаруй өвчтөн ороод байна. Мөн үрвэлслийн эсрэг болон хүчилтөрөгч эмчилгээ, хиймэл амьсгалыг удирдах аргыг эргэн харж хэрэгцээг орлох аргуудыг судалж байна.

Сүрьеэ, халдварт саагийн вакцин нь коронавирусээс сэргийлдэг нь тогтоогдоогүй тул ДЭМБ-аас халдвараас сэргийлэх зорилгоор эдгээр вакциныг хийхийг зөвлөмж болгохгүй байна. Одоогоор гурван вакцины туршилт эхэлсэн бөгөөд 70 гаруй бакцин боловсруулах шатанд явж байгаа.

Манай улс ДЭМБ-аас гарсан удирдамжийн дагуу тархалтын үе шат бүрт тохирох эмчилгээг хийж яваа. ДЭМБ-ын удирдамжийн дагуу ажиллахдаа тархалтын үе шатуудад тохируулан эмчилгээгээ шинэчилж байна. Маргааш хороодын мэргэжилтнүүд эрсдлийн үнэлгээгээ хийж яаралтай авах эрсдлийн арга хэмжээндээ бэлтгэл ажлаа хийж байна. 

Мөн вакцин үйлдвэрлэх нь удаан хугацаа шаардсан ажил. Гэхдээ COVID-19-ийн вакциныг маш олон компани, судлаачид хийхээр оролцож байгаа билээ. Хүн дээр хийж буй туршилт нь гурван вакцин дээр эхэлсэн. Хугацааны хувьд хамгийн наад талдаа 1.5 жилийн дараа бэлэн болно гэж үзсэн. Масс үйлдвэрлэл явуулахад мөн л нэмэлт хугацаа шаардагдана" гэлээ.