Шинэ коронавируст халдвар (COVID-19)-аар ахмад настан, чихрийн шижин, артерийн даралт ихдэлт, хавдар, зүрх судас, бөөр, амьсгалын замын өвчтэй, дархлаа дарангуйлах эм хэрэглэдэг хүмүүс хүндрэх эрсдэлтэй байгааг ДЭМБ-аас анхааруулж байна.
Иймд ахмад настан, архаг өвчтэй хүн:
- Эмчийн хяналтад тогтмол байх;
- Эмийг эмчийн зааврын дагуу хэрэглэх;
- Холбоо барих хүний утасны дугаартай байх;
- Давс, чихэр, өөх тос багатай хоол, хүнс хэрэглэх;
- Халуун, бүлээн шингэн зүйл уух;
- Сайн унтаж амрах;
- Тайван стрессгүй, ядрахгүй байх;
- Дулаан хувцаслах, даарахгүй байх;
- Өөрт тохирсон дасгал хөдөлгөөн хийх;
- Ханиаж, найтааж байгаа хүнээс 1.5 м зайтай хол байх;
- Ханиад найтаахдаа тохойгоо нугалж, нүүрээ тохойндоо нааж ханиах;
- Олон нийтийн газраар явахгүй, арга хэмжээнд оролцохгүй байх;
- Амны хаалт зүүх;
- Гарын ариун цэврийг сахих, дор хаяж 1 минутын турш савандаж, сайтар угаах;
- Бие тавгүйрхвэл Яаралтай тусламжийн төв – 103, СЭМҮТ – 1800-2000 утсаар зөвлөгөө авах, харьяа сум, өрхийн эрүүл мэндийн төвд хандаарай.
Бид өөрсдийгөө болон хайрт гэр бүл, дотны хүмүүсээ аюулт өвчнөөс хамгаалж чадна.
