Гадаадын иргэн, харьяатын газар 2025 оны нэгдүгээр сард гадаадын иргэдийн виз, оршин суух зөвшөөрөл олгох, сунгах, бүртгэлээс хасах, хяналт шалгалт явуулах зэрэг ажлуудыг гүйцэтгэжээ.
Виз, оршин суух зөвшөөрөл олголт
- 1724 гадаадын иргэнд визийн зөвшөөрөл олгов.
- 674 иргэнд виз олгож, evisa.mn системээр 2755 иргэнд цахим виз гаргав.
- 1217 гадаадын иргэн Монгол Улсад шинэ оршин суух зөвшөөрөл авч, 3909 иргэний хугацааг сунгажээ.
- 2029 иргэний бүртгэлээс хасалт хийсэн байна.
Хяналт шалгалт, хуулийн хэрэгжилт
- 4 төлөвлөгөөт, 12 төлөвлөгөөт бус шалгалт зохион байгуулж, 43 аж ахуйн нэгж, 651 гадаадын иргэний паспорт, бичиг баримтыг шалгаж, 18 зөрчлийг илрүүлэн арга хэмжээ авсан байна.
- Зөрчил гаргасан 1767 гадаадын иргэнд торгуулийн шийтгэл ногдуулж, 1 аж ахуйн нэгжид албан шаардлага хүргүүлжээ.
- Виз, бүртгэлийн журам зөрчсөн, оршин суух зөвшөөрлийн хугацаа дууссан зэрэг үндэслэлээр 8 улсын 121 иргэнийг албадан гаргасан байна.
Монгол Улсад оршин суугаа гадаадын иргэд (2025.01 байдлаар)
- Нийт 31092 гадаадын иргэн албан болон хувийн хэргээр Монгол Улсад оршин сууж байна. Үүнээс:
- 12852 иргэн хөдөлмөр эрхэлдэг
- 3816 иргэн хөрөнгө оруулагч
- 4812 иргэн гэр бүлийн болон хувийн бусад зорилготой
- 1828 иргэн цагаач
- 116 иргэн шашны зорилгоор
- 639 иргэн албан хэрэгтэйгээр оршин сууж байна.
