Их Британийн 11 настай охин Бодхана Сиванандан олон улсын мастер цол хүртсэн дэлхийн хамгийн залуу эмэгтэй шатарчин болсон тухай The Guardian сонин мэдээллээ.
Ингэснээр тэрбээр Унгарын шатарчин Юдит Полгар 1988 онд 12 настайдаа дээрх цолыг хүртэж байсан амжилтыг шинэчилсэн байна. Олон улсын мастер цолонд хүрэхийн тулд Олон улсын шатрын холбооны /ФИДЕ/ чансааны 2400 оноог авах ёстой.
Түүнчлэн Сиванандан нээлттэй ангилалд олон улсын мастер цол хүртсэн хамгийн залуу 7 шатарчны нэг болж байна. Оросын шатарчин Роман Шогжиев 2025 онд 10 нас 3 сар 21 хоногтой байхдаа мастер болсноор дээд амжилт тогтоосон юм.
Есдүгээр сарын сүүлчээр Самаркандад болсон Дэлхийн олимпиадын дараа Сиванандан гроссмейстер цол хүртсэн хамгийн залуу эмэгтэй шатарчин болжээ. Түүнээс өмнө Оросын шатарчин Екатерина Лагно 2002 онд 12 нас 4 сартайдаа уг цолыг авч байв.
Сиванандан ковидын цар тахлын үеэр шатар тоглож сурсан бөгөөд Лондоны Харроу дүүрэг дэх гэрт нь өөр нэгэн айлын хүмүүс хэрэггүй эд зүйлс бүхий торон дотор шатрын хөлөг орхисон байхыг олсноор бүх зүйл эхэлжээ.
Шатраас гадна тэрбээр хийл, төгөлдөр хуур тоглодог байна.
ТАСС
