Хойд бүсийн аварга шалгаруулах “Морьтой монголжин” тэмцээн Хөвсгөл аймгийн Мөрөн суманд болж, Хөвсгөл, Булган, Сэлэнгэ, Орхон аймгийн 200 гаруй бүсгүй оролцлоо.
Тус тэмцээнээр монгол ахуй, адууны соёл, морьтон уламжлалыг түгээн дэлгэрүүлж, хойч үедээ өвлүүлэхийн зэрэгцээ моринд эрэмгий монгол бүсгүйчүүдийн ур чадвар, авхаалж самбааг сорин, шилдгүүдийг тодруулах зорилготой гэдгийг Социал Демократ Монголын Эмэгтэйчүүдийн Холбооны ерөнхийлөгч Д.Үүрийнтуяа тэмцээнийг нээж хэлсэн үгэндээ онцоллоо.
“Морьтой монголжин” тэмцээн нь хурд, хүч, ур чадварыг сорихоос гадна монгол эмэгтэйн эрэмгий зан чанар, тэсвэр хатуужил, адууны соёл, морьтон уламжлалыг сурталчлан таниулж, үндэсний өв соёлоо дээдлэх, бахархах үзлийг түгээн дэлгэрүүлж буйгаараа онцлог байлаа.
Оролцогчид үндэсний хувцсаа иж бүрэн өмсөж, мориноос ташуур шүүрэх, буухиа, богино зайн уралдаан зэрэг төрлөөр өрсөлдөж шилдгүүдээ тодрууллаа.
Сэтгэгдэл (1)