Агаар, салхинд гарч, цана, чаргаар гулгахдаа хүүхдэдээ тавих хараа хяналт, анхаарал болгоомжоо бүү сулруулаарай.
- Чаргаар гулгахдаа чарган дээр байрлалаа өөрт эвтэйхэн байхаар сонгох буюу хөл, гараа унжуулахгүй, чирэхгүй, түлхэж хүч нэмэхгүй байх.
- Чаргаар ар араасаа дараалан гулгахгүй байх, зэрэгцээ эгнээнээс гулгах.
- Дээшээ өгсөж явахдаа уруудаж буй чарганаас холуур тойрох.
- Замын голд зогсолт хийсэн бол бусдад болон өөртөө бэртэл учруулахааргүй байхаар замаа чөлөөлөн зогсох.
- Огцом эгц өндрөөс гулгахаас зайлсхийх.
- Модны хожуул, шон, чулуу, хашаа зэргээс болгоомжилж, гулгах газраа аюулгүй байхаар сонгох.
- Цаг агаарын нөхцөл байдалд тохируулан дулаан хувцаслах.
- Гулгаж дуусаад чарганаасаа хурдан босох, ухарч гулгахгүй байх, мөргөлдөх болон мөргүүлэхээс зайлсхийх, аливаа эрсдэлд өртөхөөс сэргийлэн анхаарал болгоомжтой байх.
- Автомашины араас чарга чирэхгүй байхыг анхааруулъя.
