УИХ-ын гишүүн Б.Энхбаяр Туул голын эрэг орчим олгосон 19 газрын захирамжийг цуцлах шаардлагыг Нийслэлийн Засаг дарга болон УИХ-ын гишүүд хүргүүлэхээр болжээ.
Сүүлийн өдрүүдэд Түүл голын эрэг орчимд орчимд тусгай зөвшөөрөл авсан зарим газар Туулын бургасыг олноор устгаж, голын урсац, байгаль орчинд сөргөөр нөлөөлөх зүйлс хийсээр байна.
Иргэдийн зүгээс Туул голын эрэг орчимд олгосон газрын зөвшөөрлийг цуцлуулж, нөхөн сэргээлт хийлгэхийг шаардсаар байгаа. Мөн зөвшөөрөл олгосон албан тушаалтанд хариуцлага хүлээлгэх ёстой гэдгийг тууштай хэлж байна.
Тэгвэл УИХ-ын гишүүн Б.Энхбаяр өөрийн цахим хуудаснаа дараах мэдэгдлийг бичжээ.
Тэрээр "Туул голын эрэг дагуу бургас огтолж, бетон зуурч барилга барих бус хотын иргэдийн амралт, зугаалгын орчин л бүрдүүлж, тохижуулахын төлөө байна. Туул голын эрэгт газар олгосон 19 газрын захирамжийг цуцлах шаардлагыг Нийслэлийн Засаг даргад УИХ-ын гишүүд хүргүүлнэ" гэсэн байна.
Бургас нь хөрс болон усыг цэвэршүүлэх экологийн чухал ач холбогдолтой мод юм.
