МИАТ компанийн энэ сарын 6-7-ныг шилжих шөнө үйлдэгдсэн ачаа тээврийн нислэгээр 50 гаруй хүн нууцаар эх орондоо ирээд буй. Эдгээр хүмүүсийн дотор УИХ-ын гишүүн Ш.Раднаасэд болон түүний эхнэр Б.Хонгорзул, мөн УИХ-ын гишүүн Д.Өнөрболор байсан аж.
Энэ талаарх мэдээлэл хэвлэлүүдээр цацагдсаны дараа Шуурхай штабаас мэдээлэл хийж Сөүл-Улаанбаатар чиглэлийн тусгай нислэг хөөргөхөөр болсноо мэдэгдэв.
Учир нь эх орондоо ирэхээр БНСУ-ын онгоцны буудал дээр өлсгөлөн зарлан аргаа барьж буй Монголчуудын хажуугаар төрийн түшээд нь нууцаар ирсэн явдал ард иргэдийг бухимдуулж байна. Магадгүй дээрх шийдвэр иргэдийг тайвшруулна гэж бодсон биз.
Харин гишүүн Ш.Раднаасэд гишүүний гүрийлт арай хэтэрч байх шиг. Тэрээр намынхандаа эхнэрийн бие муу учраас ирэхээс өөр арга байгаагүй гэж хэлсэн ч хэвлэлийнхэнд тэс өөр мэдээлэл өгөв.
Түүний тухай мэдээлэл цацагдсаны дараа "Ташаа мэдээлэл, би одоо чуулганы хуралдаанд сууж байна. Шинэ он гарахын өмнө монголд ирсэн" гэжээ.
Энэ талаар сэтгүүлчийг тодруулахад "Би өчигдөр шөнө ачаа тээврийн онгоцоор эх орондоо ирээгүй. БНСУ руу эрүүл мэндийн шалтгаанаар яваад, шинэ оны өмнө тусгай үүргийн нислэгээр эх орондоо ирсэн. Миний тусгаарлалтын хугацаа хэдийн дууссан. Яг хэдний өдөр эх орондоо ирсэн гэдгээ санахгүй байна. Ямар ч гэсэн арваннэгдүгээр сарын сүүлч бил үү, арванхоёрдугаар сарын эхээр ирсэн" гэжээ.
Баримт зургийн эх сурвалж: zarig.mn
Сэтгэгдэл (52)