ЭМЯ-наас шинэ төрлийн коронавируст халдварын нөхцөл байдлын талаар ээлжит мэдээллээ хийж, ХӨСҮТ-ийн ерөнхий захирал Д.Нямхүү ХӨСҮТ-ийн мэдээллийг танилцуулж, Монгол улсад коронавирусийн 38 дахь тохиолдол бүртгэгдсэн талаар мэдээлэв.

Д.Нямхүү: "Өдрийн мэнд. ХӨСҮТ-ийн хоёр лаборатори, Дархан-Уул аймгийн нэг лабораторид нийт 209 шинжилгээ хийсэн. Үүнд дөрөвдүгээр сарын 24-нд Дорноговь аймагт бүртгэгдсэн сэжигтэй нэг тохиолдалд шинжилгээ хийгдсэн. Коронавирус илрээгүй. Мөн тандалтын зорилгоор 9 сорьцод шинжилгээ хийсэн, коронавирус илрээгүй. /Налайх, Баянгол дүүрэг, Дорноговь аймгийн нэгдсэн эмнэлгээс сорьц авсан/ 

Дархан-Уул аймгийн лабораторид Алтанбулаг боомтоор орж ирсэн 32 хүнд шинжилгээ хийсэн коронавирус илрээгүй.

ХӨСҮТ-д тусгаарлагдсан ОХУ-аас ирсэн нэг оюутны гурав дахь давтан шинжилгээнээс коронавирус илэрлээ. 

Москва, Алтанбулгаар дамжиж орж ирсэн 21 оюутанд коронавирус илэрлээ. Оюутнууд энгийн үедээ ч хоол унд бага байдаг. Тэдний дархлал маш суларсан байна. Ийм эгзэгтэй үеэд хүний анхаарлаас хол, эх орондоо ирсэн. Хажууханд нь халдвар гаргах хурдан дамжиж болохыг энэ бүгдээс та бүхэн харж байгаа байх. Ийм учраас хол зайтай байж, бээлий, маскаа тогтмол зүү гэдэг нь учиртай юм. 

Хүүхдүүд эх орондоо, ар гэрийнхнийхээ хажууд ирсэн нь азтай юм. 

Өчигдөрийн байдлаар нэг хүн эдгэрч, ажиглалтын байр луу гарсан сайн мэдээ байна. Ингээд нийт батлагдсан 38 тохиолдол бүртгэгдэж, 9 хүн эдгэрч, 29 хүн ХӨСҮТ-д эмчлэгдэж байна. 

Франц иргэний биеийн байдал хөнгөн, зовиургүй, шинж тэмдэгүүд арилсан сайн байгаа. Таван сорицны цэрнээс вирус илэрч байгаа. Удахгүй эдгэрч, эмнэлгээс гарна гэж найдаж байна" гэлээ.