“Hollywood Foreign Press Association” холбооноос жил бүр уламжлал болгон явуудпаг "Оскар"-ын өмнөх сунгаа гэгдэх Алтан Бөмбөрцөг наадмын 76 дах удаагийн шагнал гардуулах ёслол Лос-Анжелес хотноо болж, ялагчдаа тодрууллаа.
Энэ жил тус кино наадамд домогт Queen хамтлагийн хамтлагийн гоцлол дуучин агсан Фрэдди Меркуригийн намтраар бүтээсэн "Bohemian Rhapsody" кино "Оны шилдэг утга уянгын кино" шагналыг хүртсэн бол кинонд Фредди Меркьюригийн дүрийг бүтээсэн жүжигчин Рами Малек утга уянгын киноны шилдэг эрэгтэй жүжигчнээр шалгарсан байна. Рами Малек шагнал гардан аваад “Амьдралын баяр баясал бэлэглэсэнд баярлалаа, Фрэдди Меркури. Энэ бүхэн чамд зориулагдсан, аугаа хүмүүн минь. Queen хамтлаг чамд хайртай” хэмээн хэлсэн байна.
Мөн найруулагч Питер Фарреллигийн "The Green Book" нэртэй бүтээл "шилдэг инээдмийн кино", "шилдэг кино зохиол", "шилдэг туслах дүрийн жүжигчин" (Махершала Али) гэсэн гурван шагналын эзэн болжээ.
Мөн кино шүүмжлэгчдээс асар өндөр үнэлгээ аваад байсан домогт найруулагч Альфонсо Куароны "Roma" бүтээл "шилдэг гадаад кино" шагналыг авлаа. Харин үзэгчдийс хамгийн их хүлээлт үүсгэж байсан "A Star Is Born" кино “Shallow” бүтээлээрээ шилдэг дууны төрөлд ялалт байгуулжээ. Гол өрсөлдөөн "Bohemian Rhapsody", "A Star Is Born" киноны хооронд болсон юм.
"Инээдэм болон мюзикл киноны шилдэг эрэгтэй жүжигчин" төрөлд Их Британийн жүжигчин Кристиан Бэйл "The Vice" кинонд бүтээсэн дүрээрээ шалгарсан бол "Инээдэм болон мюзикл киноны шилдэг эмэгтэй жүжигчин" "The Favorite" кинонд бүтээсэн дүрээрээ Их Британийн жүжигчин Оливия Колман шагнал хүртлээ. "Шилдэг хүүхэлдэйн кино" төрөлд “The Spider man” хүүхэлдэйн кино шалгарсан байна.
76 дах удаагийн "Алтан Бөмбөрцөг" наадмын эзэдтэй танилцъя.
