Оскарын өмнөх хамгийн том сунгаа гэгдэх кино, телевизийн цувралын шилдгүүдийг шалгаруулах "Алтан бөмбөрцөг" наадам Лос-Анжелес хотноо зохион байгуулагдаж байна. Хамгийн өрсөлдөөнтэй, басхүү хүмүүсийн хүлээж байсан төрөл Утга уянгын киноны шилдэг эрэгтэй жүжигчин шагналыг "Bohemian Rhapsody" киноны Фредди Меркьюригийн дүрээр Рами Малек хүртлээ. Мөн "Bohemian Rhapsody" шилдэг утга уянгын киногоор шалгарлаа.
Рами Малек өмнө нь "Mr.Robot" цувралын дүрээрээ "Алтан бөмбөрцөг"-т хоёр удаа нэр дэвшиж байсан ч шагнал хүртэж байгаагүй юм.
Энэ жилийн "Алтан бөмбөрцөг" Утга уянгын киноны шилдэг эрэгтэй гол дүрийн жүжигчин төрөлд:
- Брэдли Күүпэр – "A Star Is Born"
- Уильям Дафое – "At Eternity's Gate"
- Лукас Хэджс – "Boy Erased"
- Рами Малек – "Bohemian Rhapsody"
- Жон Вашингтон – "BlacKkKlansman"
Шилдэг утга уянгын кино төрөлд:
- A Star Is Born
- Bohemian Rhapsody
- Black Panther
- If Beale Street Could Talk
- BlaKkKlansman тус тус нэр дэвшсэн байна.
"Алтан бөмбөрцөг"-өөс шагнал хүртэнэ гэдэг "Оскар"-т нэг алхам ойртож байгаа гэж болно.
