HBO сувгийн «Цагаан бадамлянхуа» олон ангит кино анх үзэгчдийг "хоосон дотор, хиймэл гадаад" тансаг хэрэглээний орчинг ёгтлон дүрслэхээр бүтээгдсэн ч, бодит байдал дээр өөрөө тэрхүү тансаг хэрэглээг өдөөсөн соёл, аялал жуулчлал, худалдааны давалгаа үүсгэв.

Олон ангит кино хотоос хот дамжин аялал жуулчлалын эрэлтийг үүсгэв

• Эхний улирал Хавайн Four Seasons Resort Maui-д зураг авалт хийсэн ба кино гарсны дараа тус буудлын веб хандалт 425%-иар өсч, өрөөний захиалга гурав дахин нэмэгджээ.

• Хоёрдугаар улирал Сицилийн Сан-Доменико ордонд зураг авсан бөгөөд тухайн ондоо хагас жилээр дүүрсэн захиалга авч, Сицилийн аяллын салбар 30 сая еврогийн ашиг олсон байна.

• Гуравдугаар улирал Тайландад зураг авалт хийсэн. Тайландын засгийн газар хөнгөлөлт үзүүлэн, зураг авалтыг өөртөө татаж чадсан нь $4–6 сая долларын зардал хэмнэжээ. Үүний дараа Пхукет руу чиглэсэн нислэг, буудлын захиалга огцом өссөн.

Зураг авалтаас үүдсэн худалдааны тэсрэлт

• Кинонд гарсан Jim Thompson брэндийн кимононы борлуулалт 670%-иар, Louis Vuitton-ийн цүнх $4 сая, Gucci-ийн Bamboo цүнх $2 саяын нэмэлт орлого авчирсан байна.

• HBO, H&M зэрэг байгууллагууд кинон дээр тулгуурласан тусгай загварын цуглуулга гаргаж, $35 хүжнээс $800 наранд шарах нөмрөг хүртэл бүтээгдэхүүнүүд зах зээлд гаргасан.

Экологийн хариу цохилт: Нүдэнд үзэгдэхгүй нөлөөлөл

Ийм маркетингийн амжилт экологид сорилт дагуулж байна.

• Самуи арал: Жуулчдын урсгал эрс нэмэгдсэнээс усны хомсдол, хөрсний нүүлт, хог хаягдлын асуудал хурцдаж байна.

  • Жуулчин бүр өдөрт 500 литр ус хэрэглэж, нутгийн иргэдийн шүршүүрт орж чадахгүйд хүрчээ.

  • Аралд өдөрт 200 тонн хог гардаг ч шатаах үйлдвэр ажиллахгүй болж, нээлттэй хогийн цэг дээр аюултай хэмжээнд хуримтлагджээ.

• Таиландын Майя Бей: “Элсэн эрэг” киноны дараа өдөрт 5000 жуулчин очих болсноос шүрэн хадны 80% устаж, 2018 онд хаахад хүрсэн.

• “Харри Поттер”-ийн нөлөө: Уультай болох хүсэл дэлхий даяар тархаж, Индонезид ууль шувууны үржил буурчээ.

• “Үерийн урсгал” мультфильм: Хар муурны дүр сошиалд трэнд болж, “Straume-тип” гэж нэрлэн авч буй ч, буруу асаргаанаас үүдэн олон муур хаягдаж байна.

Set-Jetting буюу зураг авалт дагасан аялал

Киноны зураг авалт хийсэн газруудаар аялал хийх set-jetting гэдэг аялал жуулчлалын шинэ хандлага дэлхий даяар хүчээ авч байна. Шинэ Зеландын “Бөгжний эзэн”-ээс Шотландын Гленфиннангийн гүүр хүртэл жуулчдын хөл тасардаггүй. Энэхүү хандлага “Цагаан бадамлянхуа”-гаар улам хүчээ авч, олон нийтийн хүсэл, хэрэглээ, байгалийн тэнцвэрт байдлыг нэгэн зэрэг сорьж байна.

Эцэст нь

“Цагаан бадамлянхуа” хэмээх егөөдлийн олон ангит кино нь ердөө ухаарал төрүүлэх зорилготой бүтээл байвч өөрөө бодит хэрэглээний салбаруудад аварга давалгаа үүсгэжээ. Эцэстээ хүмүүсийн авир биш, түүний ард бий болох эдийн засгийн шунал, сурталчилгаа, болон зохион байгуулалтгүй аялал жуулчлал илүү аюултай байж болохыг сануулж байна.

Эх сурвалж: officelife.media