Монгол Улсад нийт 69 мэргэжлийн болон техникийн боловсрол, сургалтын байгууллага үйл ажиллагаа явуулж байна.
- 35 нь нийслэлд, 34 нь орон нутагт байрладаг.
- 39 нь Политехникийн коллеж, 24 нь мэргэжлийн боловсролын сургууль.
Суралцагчдын тоо өссөн үзүүлэлттэй байна
- Өмнөх хичээлийн жилтэй харьцуулахад суралцагчдын тоо 6.8%-аар өссөн.
- 2025 оны хавар 20,000 гаруй төгсөгч төгсөх тооцоо гарчээ.
- 2023 онд Боловсролын багц хууль болон Мэргэжлийн болон техникийн боловсролын тухай хуульд өөрчлөлт орж, сургалтын хөтөлбөр шинэчлэгдсэн.
Санхүүжилт ба тэтгэлэг
- 41 нь төрийн өмчийн, 28 нь хувийн хэвшлийн байгууллага.
- 2020 оноос хойш суралцагч бүр сар бүр 200,000 төгрөгийн тэтгэлэг авдаг.
- Төрийн өмчийн 41 байгууллагад 138.3 тэрбум төгрөг, хувийн хэвшлийн 28 байгууллагад 15.4 тэрбум төгрөгийн санхүүжилт олгожээ.
Мэргэжлийн боловсролын ач холбогдол
- 12-р анги төгсөгчид бүрэн дунд боловсролын гэрчилгээ болон мэргэжлийн үнэмлэхтэй төгсөх боломжтой.
- 2-р курсээс эхлэн аж ахуйн нэгж дээр уртын дадлага хийж, өдрийн урамшуулал авна.
- Төгсөгчдийн 85%-аас дээш хувь нь шууд ажлын байртай болж төгсдөг.
Эрэлттэй мэргэжлүүд
Судалгаагаар 2030 он хүртэл 107,000 мэргэжилтэй ажилтан шаардлагатай бөгөөд үүнээс 46,000 нь мэргэжлийн болон техникийн боловсролын түвшинд бэлтгэгдэх шаардлагатай байна.
Тэргүүлэх мэргэжлүүд:
- Цахилгаан хангамж, тоног төхөөрөмжийн ашиглалт
- Гагнуурчин
- Сэргээгдэх эрчим хүчний тоног төхөөрөмжийн угсралт
- Ойн аж ахуй, газар тариалангийн аж ахуй
- Авто зам, гүүрний байгууламж, барилгын техник технологи
- Мал амьтны эмнэл зүй
- Нийт 58 мэргэжил эрэлттэй байна.
Хосмог сургалтын тогтолцоог хэрэгжүүлж эхэллээ
- Суралцагчид 30%-ийг танхимд, 70%-ийг ажлын байран дээр дадлага хийж суралцана.
- Дадлага хийж байх хугацаандаа ажил олгогчоос цалин авах боломжтой.
- Сар бүр 200,000 төгрөгийн тэтгэлэгт хамрагдахаас гадна нийгмийн даатгалын шимтгэлийг төрөөс төлнө.
Цаашдын зорилт
- Мэргэжилтэй ажиллах хүчийг бэлтгэх тогтолцоог хөгжүүлэх.
- Сургалтын чанарыг сайжруулах, суралцагчдын өрсөлдөх чадварыг нэмэгдүүлэх.
- Монгол Улсын Засгийн газрын эдийн засгийн хөгжлийг бүсчилсэн бодлоготой уялдуулан шаардлагатай техникч, мэргэжилтэй ажилчдыг бэлтгэх чиглэлээр сургуулиудыг төрөлжүүлэн хөгжүүлэх.
Энэхүү бодлого хэрэгжсэнээр Монгол Улс мэргэжлийн өндөр ур чадвартай ажиллах хүчээ нэмэгдүүлж, хөдөлмөрийн зах зээлийн хэрэгцээг хангах боломж бүрдэх юм.
Эх сурвалж: Боловсрол, шинжлэх ухааны яам
