Тайланд улсын Накхан Патом хотноо энэ сарын арван хоёрноос арван есний өдрүүдэд зохион байгуулагдах эрэгтэйчүүдийн U-15 насны волейболын Азийн аварга шалгаруулах тэмцээнд Монголын шигшээ баг оролцох гэж байна. Тус багт Сэлэнгэ аймгийн Ерөнхий боловсролын Спортын сургуулийн сурагчид болох Н.Түвшинбаяр, Б.Эрболд, О.Өсөх-Ирээдүй нар шалгарч, улс, аймаг, сургууль, үе тэнгийн хүүхдүүдээ төлөөлөн олон улсын тавцанд өрсөлдөх эрхтэй болсон нь онцлох үйл явдал боллоо.
Монголын U-15 насны шигшээ багийг дасгалжуулагч О.Наранбаатар удирдан оролцох бөгөөд тамирчдынхаа бэлтгэл, оролцоог Сэлэнгэ аймгийн Засаг дарга Н.Лхагвадорж дэмжин, амжилт хүссэн байна.
Эх сурвалж: Монголын Волейболын холбоо
