Сэлэнгэ аймгийн Засаг даргын Тамгын газраас ой, хээрийн түймэртэй тэмцэхэд шаардлагатай тоног төхөөрөмжийн дэмжлэг хүссэн хүсэлтийг “Дэлхийн зөн Монгол” олон улсын байгууллагад тавьсны дагуу өнөөдөр тус байгууллагаас 96 сая төгрөгийн өртөг бүхий тоног төхөөрөмжийг Сэлэнгэ аймгийн Онцгой комисст хүлээлгэн өглөө. Тус багцад ил гал унтраах зориулалттай ус шүршигч 90 ширхэг, гал унтраах үлээгч 21 ширхэг, өндөр даралтын насос 2 ширхэг багтжээ.
Эдгээр тоног төхөөрөмж нь Сэлэнгэ аймагт ой, хээрийн түймэр гарсан үед шуурхай ажиллах, түймрийн хор уршгийг бууруулах, экосистемийг хамгаалахад чухал ач холбогдолтой юм. Энэ жил Сэлэнгэ аймгийн хэмжээнд нийт 43 удаагийн ой, хээрийн түймэр гарч, 8050 га талбай өртөн шатсан нь экосистемд ихээхэн хохирол учруулаад байгааг албаныхан мэдээлэв.
Эх сурвалж: Сэлэнгэ аймгийн Засаг даргын Тамгын газар
Сэтгэгдэл (2)