Халдварт өвчин судлалын үндэсний төвөөс мэдээлснээр, 2025 оны долдугаар сарын дөрөвний байдлаар улаанбурхан өвчний батлагдсан нийт тохиолдол арван нэгэн мянга дөрвөн зуун хорин ес хүрсэн байна. Одоогоор эмнэлэгт 554 хүн хэвтэн эмчлүүлж байгаа бөгөөд тэдний дотор хөнгөн хэлбэрийн өвчтөн 69, дунд зэрэг 446, хүнд 37, нэн хүнд хоёр хүн эмчлүүлж байна.

Энэ хугацаанд нийт 10076 хүн эдгэрсэн бол гэрээр эмчлүүлж буй 792, нас барсан тохиолдол долоон хүн бүртгэгджээ. Мөн хавьтал болсон иргэдийн тоо 89855-д хүрсэн байна. Насны ангиллаар авч үзвэл улаанбурхан өвчний тохиолдол хамгийн өндөр нь 10-14 насныханд бүртгэгдэж, 4591 тохиолдол болсон бол 0-4 насны 2336, 5-9 насны 1464 хүүхэд өвчилсөн нь тогтоогджээ.

Эмнэлзүйн хувьд улаанбурхан нь маш өндөр халдварлах чадвартай ч хоёр тунт вакцинд хамрагдсанаар бүрэн сэргийлэх боломжтой өвчин гэдгийг мэргэжилтнүүд онцолж, бүх нийтийг дархлаажуулалтад хамрагдахыг уриалж байна.

Эх сурвалж: Халдварт өвчин судлалын үндэсний төв