Монгол Улсад мотоциклийн спорт үүсэж хөгжсөний түүхт далан жилийн ойг тохиолдуулан Мотокроссын Улсын аварга шалгаруулах цуврал уралдааны гуравдугаар гарааг долоодугаар сарын тавны өдөр Дархан-Уул аймагт зохион байгуулах гэж байна.
Тус тэмцээнд БНХАУ-аас гадна Улаанбаатар хот, Өмнөговь, Сэлэнгэ, Дархан зэрэг газраас нийт жаран орчим тамирчин оролцохоор бэлтгэлээ хангаж, техникийн үзлэг, замын урьдчилсан туршилтуудаа хийж байгаа ажээ.
Уралдааныг ангиллаар нь авч үзвэл 50сс, 65сс, 85сс, 250сс, 450сс болон Хобби гэсэн зургаан төрөлд хурд хүч, авхаалж самбаагаа сорих юм.