Өнөөдөр 10 цагт Монгол Улсын Ерөнхийлөгч У.Хүрэлсүхийн ивээл дор Өндөр гэгээн Занабазарын мэндэлсний 390 жилийн ойн хүрээнд зохион байгуулж буй “Монгол дархан: Өв урлахуй” тусгай үзэсгэлэн Чингис хаан Үндэсний музейд нээгдэх гэж байна. Үзэсгэлэн нь монгол дархны уламжлал, өв соёлыг олон нийтэд танилцуулах зорилготой юм.
11 цагт ХӨСҮТ-өөс халдварт өвчний өнөөгийн нөхцөл байдлын талаар хэвлэл мэдээллийнхэнд албан ёсны мэдээлэл хийхээр төлөвлөжээ.
Мөн өнөөдөр Ази, Номхон далайн Шуудангийн холбоо (APPU)-ны Удирдах зөвлөлийн хурал “Туушин” зочид буудалд үргэлжилж байгаа бөгөөд энэ хурал зургаадугаар сарын 30-наас долдугаар сарын 4-нийг дуустал явагдаж байна.
Орон нутагт Архангай аймгийн музейд “Байгалийг ойроос” сэдэвт түр үзэсгэлэн долдугаар сарын 28-ныг хүртэл олон нийтэд нээлттэй үргэлжлэх юм.
Хилийн чанадад Казахстан улсын Астана хотод зургаадугаар сарын 30-наас долдугаар сарын 6-ны өдрүүдэд боксын аварга шалгаруулах Дэлхийн цомын тэмцээн зохион байгуулагдаж байгааг мөн онцолж байна.
