"Victoria's Secret компанийн захирал шүүмжлэлийн шахалт, дарамтаас болж огцорлоо"

Дэлхийд нэртэй бренд Victoria's Secret өнчирлөө. Компанийн Ерөнхий захирал Ян Сингер огцорлоо. Сүүлийн үед уг брэндийг дайрсан шүүмжлэлийн шуурга түүнийг огцроход хүргэв. Брэндийг “орчин цагийн шаардлагад нийцэхгүй сексизм гаргасан, хүмүүсийн цөөнхөд хүндэтгэл үзүүлээгүй” гэж буруутгаж байгаа юм. Тэд зөвхөн бүгдийн дуртай, олныг айлмайруулсан очир эрдэнийн шигтгээтэй бюстгальтер хийдэг.

Эмэгтэй хүний дотуур хавцасны Victoria's Secret брэндийг атгадаг L Brands Inc. компанийн ерөнхий захирал Ян Сингер энэ шүүмжлэлийг  давж чадалгүй  огцорлоо. Компанийн маркетингийн захирал Эдуард Резек хэдхэн хоногийн өмнө трансжендер ба plus-size моделиудыг шоундаа авахгүй гэж ярьснаас дуулиан эхэлсэн тухай Hollywood Reporter сонинд өгүүлсэн байв.

Vogue сэтгүүл брэндийн үзүүлбэр дээр трансжендер ба plus-size моделиуд харагдахгүй байна гэсэн шүүмжлэлд хэрхэн хандаж буйг нь Эдуард Резекаас асуусан байна. Тэр “Брэндэд тийм бүсгүйчүүд хэрэггүй, Victoria's Secret-ийн худалдахыг хүсч байгаа фантазид тэд таарахгүй” гэж Резек хариулжээ.

Хожим Victoria's Secret брэндийн твиттер дэх албан ёсны хуудсаар Резек уучлалт гуйсан байв. Тэр уучлалт гуйсан ч Кармен Каррера (трансжендер), Тесс Холлидей (модель plus-size) зэрэг загвар өмсөгчид шүүмжлэлээ үргэлжлүүлж, Victoria's Secret брэндийн бодлогыг шүүмжилсээр байна. Үүний улмаас CEO брендаас явах нь зүйтэй гэж Ян Сингер үзсэн ба тэр талаараа ямар нэг тайлбар өгөөгүй.

Hollywood Reporter сэтгүүлээс тодруулснаар, Ян Сингер компанид 2016 онд ирээд түүнийг хөгжүүлэхэд чадлаараа зүтгэсэн ч Victoria's Secret санхүүгийн хямралтай учирч, энэ онд худалдаа нь 5 хувиар унасан байв.

Олны хайртай брэндийг эртнээс дайран давшилж эхэлсэн тул одоо тэдэнд шинэ эргэлт хэрэгтэй байна. Резак ярьсны дараа Канадын транссексуаль блогчин Жижии Горжез YouTube дээр «SHAME ON YOU Victoria's Secret» (Victoria's Secret чамд ичгүүр) нэртэй видеог нийтэлжээ. Тэр “Энэ брэндийг худалдан авах нь түүнд ихээхэн баяр хөөр байсан. Одоо бол түүнийг худалдан авахгүй” гэж зарлав. Жижи 1995 оноос хойш загварын ертөнц их өөрчлөгдлөө. Биеийн өөр өөр хэлбэр нь өнөө цагт хэрэгтэй гэж онцолсон байв. Худалдан авагчид дунд трансжендер байгааг мартах ёсгүй хэмээн тэр хэлжээ.

Тэр Victoria's Secret хөхний даруулгаа тайлаад “эд ингээд үйлчлүүлэгчээ алдлаа” гэсэн байв.

Victoria's Secret  нь эмэгтэйчүүдийн дотуур хавцас, хувцас, гоо сайхны бараа гаргадаг Америкийн хамгийн алдартай компани бөгөөд түүний бүтээгдэхүүнийг Адриана Лима, Жижи ба Белла Хадид нарын моделиуд танилцуулдаг. Компани нь “сахиусан  тэнгэрүүд” гэх загвар өмсөгчдөөрөө олныг байлдан дагуулсан юм. Жил бүр дэлхийн янз бүрийн хотуудад явуулдаг шоу нь 2018 оны арваннэгдүгээр сарын 8-нд тун амжилтгүй өнгөрөв. Загварын ертөнц өөрчлөгдөж байна. Тэр нь орчноо дагаад хувирч, харин брэндийн сахиусан тэнгэрүүд нь хамгийн үзэсгэлэн төгс ягаан зүүд хэвээр үлджээ. Муу зүйл байхгүй л дээ. Шүүмжлэгчдийн дунд атаархагч нар их байгаа нь мэдээж. Гэхдээ...

М.Цогт

Холбоотой нийтлэл: Адриана Лима 19 жилийн дараа сахиусан тэнгэрийн далавчаа орхилоо