Монгол улсад орчин цагийн цагдаагийн байгууллага үүсч хөгжсөний түүхт 100 жилийн ойд зориулсан “Хавтаст хэрэг” олон ангит кино өнгөрсөн 2022 онд үзэгчдийн хүртээл болсон.
Уг бүтээлийн хоёрдугаар бүлгийн эхний анги ирэх есдүгээр сарын 16-аас үзэгчдийн хүртээл болох юм байна. Зураг авалт нь өчигдрөөс эхэлсэн бөгөөд зургаан сар гаруй хугацаанд үргэлжилнэ гэдгийг уран бүтээлчид онцолсон.
“Хавтаст хэрэг” олон ангит киноны хоёрдугаар бүлэг нь 16 ангитай. Киноны анги бүрт бодит гэмт хэргээс сэдэвлэн бүтээсэн хэргийг тусгах аж. Энэ бүтээлд цагдаагийн албаны ажил үүргийн онцлог, тэдний эр зоригийн тухай өгүүлдэг бөгөөд “Хүлэгү пикчерс” болон “Номадиа пикчерс” хамтран бүтээсэн юм.
