Дэлхийн тавцанд Монгол улсын нэрийг цуурайтуулж яваа "The Hu” хамтлаг шинэ оны босгон дээр Америкийн "Алтан дуун" шагнал хүртсэн байна.
Тодруулбал, 2023 оны хамгийн их сонсогчтой, хамгийн их борлуулалттай дуугаар “Wolf totem” дуу нь шалгарсан байна.
"Америкийн албан ёсны хөгжмийн нийгэмлэгээс (Recording Industry Association of America) “Алтан Рекорд” Чонон Сүлд дуундаа хүлээн авлаа.
Энэхүү дуугаараа Хүннү Рок хөгжмийн урсгалыг дэлхийд тунхаглан Монгол улсаас хамгийн анхны удаа “Алтан Рекорд” авч салхийг хагалж байна, ар араас нэмэгдэх рекордсийг тэсэн ядан хүлээж байна та бүхэндээ сайхан мэдээ, зүрх булиглуулсан дуунуудаар ирэх жил бэлэг барина" хэмээжээ.
Хамтлагийн уран бүтээлүүд нь анх түгсэн өдрөөс эхлэн Billboard-ын хорин дөрвөн төрлийн чартуудад орж зарим чартуудад тэргүүлж байжээ.
Үүнд домогт "Wolf totem" дуу зуун гучин нэгэн долоо хоног буюу бүхэл бүтэн хоёр жил таван сар гаруй, "YuveYuveYu" дуу жаран таван долоо хоног буюу нэг жил хоёр сар гаран тасралтгүйгээр "World Digital Song Sales" болон бусад чартуудад жагсч рок хөгжмийн түүхэнд бичигдсэн байна.
