Нийслэлийн төв талбайд гурав хоног үргэлжлэх (15, 16, 17-нд) Үндэсний номын баярын өдрийг энэ жил УИХ-ын даргын ивээл дор зохион байгуулж байгаа юм байна. Номын баярт зориулж УИХ-ын дарга мэндчилгээ дэвшүүлж, хувийн номын сангаасаа өөрт нь үнэтэй чухал дурсамж үлдээсэн, урам зориг, ухаарал өгсөн, мөн бусдад хэрэгтэй болов уу гэж бодсон гурван номыг "номын сайн нөхдөд" санал болгожээ.
1.Ардын уран зохиолч Б.Лхагвасүрэнгийн “Хос уянга” шүлгийн түүвэр. Энэ номыг зохиолч 1994 онд Зах ээлийн коллежийн шинэхэн багш байхад нь дурсгаж, мутрын үсгээ хайрлажээ. Тус сургуулийн ахмад төгсөгч, алдартнуудаас ярилцлага авах үүрэг залуу багшид оногдсон юм байна. (Ардын уран зохиолч маань тус сургуулийг Худалдааны техникум нэртэй байхад нь суралцаж байсан) Энэ номыг зохиогчосс бэлгэндавсны дараа эхнэртэйгээ танилцаж, өөрийн “хос уянгаа”олсон.
2.Жорж Фрийдманы “The Next 100 Years: A Forecast for the 21st” буюу “Дараагийн 100 жил”. New York Times хэвлэлийн газраас гаргасан номыг Гадаад харилцааны сайдаар ажиллаж байхдаа уншсан ч тухайн үедээ төдийлөн итгэж үнэмшээгүй. “Геополитикч хүн заавал үнэнийг бичих албагүй хэлэх албагүй, Америк маягийн мөрөөдөл гэдэг нь энэ байх” гэх маягтай хүлээж авсан ч Орос, Украины дайн гарч, дэлхийн геополитикт гарсан өөрчлөлт, хурцадмал байдлын дараа дахин уншихад зүгээр л "гайхалтай" байсан. Орчин үеийн, өөрчлөгдөж байгаа дэлхий ертөнцийг таньж мэдэхэд маш хэрэгтэй ном гэж танилцуулсан.
3.Оксдордын их сургуулиас гаргасан James Fishkin-ий “When the People Speak” (Deliberative Democracy and Public) Энэ ном ардчиллын мөн чанар, түүний сорилт бэрхшлээлүүд, хүний эрх, иргэдийн дуу хоолой, ард түмний оролцоо яагаад чухал вэ, ард түмэн яагаад ардчиллыг сонгодог вэ гэдгийг гайхалтай илэрхийлсэн ном гэв.
Дашрамд сануулахад, УИХ-ын дарга Г.Занданшатар энэ удаагийн Хятадын алдарт зохиолч Үй Хуаг урьж авчирч байгаа юм байна. Түүний "Амьдрахуй" роман нь дэлгэцийн бүтээл болж, олон улсад гарсан Хятадад хориглосон. Үй Хуагийн "Амьдрахуй" романыг зохиолч Мө.Батбаяр монгол хэл дээр хөрвүүлсэн нь сүүлийн үед нэлээд шуугиан тариад байгаа.
