The Beatles хамтлагийн шинэ, мөн сүүлчийн бичлэгийг энэ жилийн сүүлчээр гаргана гэж дуучин Пол Маккартни зарласан тухай The Guardian сонин мэдээлэв.
"Хуучин Демогоос Жон Ленноны дууг “салган авахын” тулд хиймэл оюун ухаан ашиглан хэдэн арван жилийн дараа бид түүнийг дуусгалаа. Оны сүүлчээр түүнийг гаргана" гэж дуучин ярьжээ.
Энд 1978 онд Жон Ленноны зохиосон Now and Then зохиолын тухай яригдаж байгаа аж. Демо нь “Полп зориулав” гэсэн кассетад бичигдсэн хэдэн дууны нэг байсан ба Леннон 1980 онд алагдахын өмнө бичүүлсэн байжээ.
Өмнө нь дөрөвдүгээр сард BBC Radio 4 Их Британид 60 жилийн өмнө тоглосон The Beatles хамтлагийн хамгийн эртний амьд концертын бичлэгийг сонсгожээ.
Концертыг 1963 оны дөрөвдүгээр сарын 4-нд Бакингемширын сургуулийн театрт тоглосон байв.
М.ЦОГТ
