Дуучин Мадонна өөрөөс нь 36 насаар дүү, Колумби дуучин Малуматай дотно болжээ гэж Radar Online мэдээлжээ.

Хэвлэлд бичсэнээр 64 настай Мадонна дэлхийн тойрон аялах тоглолтын бэлтгэлийн үеэр 29 настай Малуматай сээтэн хаялцаж байжээ. Тэд их дотносоод байсан учир бусад нь орхин гарахаас өөр аргагүй байлаа хэмээн эх сурвалж ярьсныг сэтгүүлч иш татсан бичсэн байв.

"Тэд хэд хоног сургуулилалт дээр хамт байгаад амралтын өдрүүдэд Нью-Йорк хотоор зугаалсан. Мадоннагийн латин Америкаар яван тоглоход нь тэд хамт тайзнаа гарахыг үгүйсгэхгүй" гэж эх сурвалж бататган ярьжээ.

Өнгөрсөн хоёдугаар сард Мадонна загвар өмсөгч 23 настай Эндрю Дарнеллаас салсан юм. Үүнээс сарын дараа дуучинг 29 настай боксчин Жош Поппертай жиг ургууллаа гэсэн яриа гарсан. Хэвлэлд бичсэнээр, боксчин Жош нь дуучны хуучин нөхөр Гай Рич болон түүний хүү 22 настай Рокко Жоны дасгалжуулагч нь гэнэ.

М.ЦОГТ