Playboy сэтгүүлийн дөрөвдүгээр сарын дугаар ихээхэн гүйлгээтэй байна. Тус дугаарт Францын Ерөнхий сайдын дэргэдэх Нийгмийн эдийн засаг ба олон нийтийн амьдралын асуудал эрхэлсэн төрийн нарийн бичгийн дарга Марлен Шьяппагийн зураг татуулж, яриа өгсөн юм. Сэтгүүл хэрхэн зарагдаж байгааг түүний  ерөнхий эрхлэгч  Жан-Кристоф Флорантен ярьснаас иш татан France Info телевиз мэдээлжээ.

"Дөрөвдүгээр сарын 6-ны өдөр гуравхан цагийн дотор бараг 100 мянган хувь зарагдсан. Нэмж хэвлэсэн 60 мянган хувийг 20-ний өдөр худалдаанд гаргана" гэжээ.

"Ердийн үед сэтгүүлийн нэг дугаар 30 мянга орчим хувиар зарагддаг" гэж тэр ярьжээ.

Шьяппа уг сэтгүүлийн хавтсанд гүнзгий ухаадастай цагаан даашинзтай, хөхний ил гарсан хэсэгт 49.3 тоог бичжээ. 49.3 тоо нь, хуулийг парламентаар оруулалгүйгээр батлах эрхийг Засгийн газарт өгсөн Үндсэн хуулийн зүйл ангийн тоо юм.

Дашрамд, дөрөвдүгээр сарын 15-нд Францын Ерөнхийлөгч Эммануэль Макрон тэтгэвэрийн насыг 62-64 богосон хуулинд гарын үсэг зуржээ.

М.ЦОГТ