"The Hu" хамтлагийн тоглолтыг 2023 оны гуравдугаар сарын 30-ны өдөр метаверс виртуал ертөнцөд зохион байгуулах гэж байна.
"The Hu in the Metaverse" тоглолт нь виртуал ертөнцөд зохион байгуулж буй дэлхийн анхны рок урсгалын тоглолт болох аж. Уг тоглолтыг зохион байгуулах мета ертөнцийг Монголын технологийн компаниуд өөрсдөө бүтээж буйгаараа онцлог юм байна.
Метаверс ертөнцөд дэлхий дахинаа алдартай хэд хэдэн одод тоглолтоо хийж байсан билээ. Тодруулбал, Marshmello, Travis Scott, Ariana Grande нар Fortnite, Justin Bieber, David Guetta нар Roblox, Wave зэрэг мета ертөнцөд тоглолтоо хийж байсан юм.
