Нэрт зохиолч Бавуугийн Лхагвасүрэн гуайн бүтээл “Тамгагүй төр” жүжиг Улсын Драмын Эрдмийн театрын тайзнаа өнгөрсөн Дөрөвдүгээр сараас хойш нийт 171 удаа тоглогдож түүхэн амжилт бүтээлээ.
Тус жүжгийг БНХАУ-аас Монгол Улсад суугаа Онц бөгөөд Элчин сайд Цай Вэньруй үзсэн бөгөөд сэтгэгдэлээ ийн хуваалцжээ.
Тэрээр "Тамгагүй төр гэх сайхан жүжгийг үзлээ. Энэ бол зохиолчийн, найруулагчийн, жүжигчдийн ур чадварыг мэргэжлийн өндөр түвшинд хүрснийг харууллаа. Энэ жүжиг надад их таалагдсан. Энэ жүжиг Монгол Улсын соёл урлаг их өндөр түвшинд хүрснийг харуулсан байна. Зохиолч, жүжигчид, найруулагчдад халуун баяр хүргэж баярлаж талархсанаа илэрхийлье.
Хятад Монголын хоёр ард түмэн бол уул усаар холбогдсон найрсаг харилцаатай. Соёлын харилцаа мөн нягт байсаар ирсэн. Ер нь хоёр улсын найрсаг харилцаа ард түмний найрамдлыг хөгжүүлэхэд соёлын харилцаа их чухал үүрэг гүйцэтгэдэг юм. Цаашид хоёр орны соёлын харилцааг улам хөгжүүлэхээр Хятадын тал ажиллах болно. Миний хувь хүний зүгээс өөрөөсөө шалтгаалах ажлуудыг хийхэд бэлэн байна" хэмээжээ.
