Гашуунсухайт-Ганцмод боомтын хил дамнасан төмөр замын барилгын ажил эхэлнэ
Монгол Улсын экспорт, тээвэр ложистикийн салбарт түүхэн ач холбогдолтой Гашуунсухайт–Ганцмод боомтын хил дамнасан төмөр замын барилгын ажил эхлэхээр боллоо. “Тавантолгой төмөр зам” ХХК болон “Хятадын төмөр замын барилгын гүүрийн инженерийн товчоо групп” ХХК барилгын ажил гүйцэтгэх гэрээний төслийг эцэслэн тохирч, албан ёсоор гарын үсэг зуржээ.
2025-06-09
Саммер Макинтош 400 метрийн чөлөөт сэлэлтийн дэлхийн дээд амжилтыг шинэчлэв
Канадын усанд сэлэлтийн 18 настай авьяаслаг тамирчин Саммер Макинтош бямба гарагт болсон “Canadian Swimming Trials” тэмцээний үеэр 400 метрийн чөлөөт сэлэлтийн төрөлд 3 минут 54.18 секунд-ийн амжилтаар дэлхийн шинэ дээд амжилт тогтоолоо. Түүний энэхүү амжилт нь 2024 оны Парисын Олимпод түрүүлсэн Австралийн Ариарне Титмусийн өмнөх дээд амжилтаас бүхэл нэг секундээр илүү байсан нь онцгой үйл явдал боллоо.
2025-06-09
Монголын эмэгтэйчүүдийн волейболын шигшээ баг “AVC Nations Cup” тэмцээнд оролцож байна
Вьетнамын нийслэл Ханой хотноо Азийн эмэгтэйчүүдийн волейболын “AVC Nations Cup” тэмцээн болж байгаа бөгөөд энэ удаагийн тэмцээнд Монголын эмэгтэйчүүдийн шигшээ баг оролцож, “B” хэсэгт өрсөлдөж байна. Хэсгийн тоглолтууд эхлээд буй бөгөөд манай баг эхний хоёр тоглолтоо хийж, харамсалтайгаар хожигдлоо.
2025-06-09
Гал түймэр давамгайлсан 106 удаагийн ослын дуудлага бүртгэгджээ
Өнгөрсөн долоо хоногт нийслэлийн 8 дүүрэг, 13 аймгийн 34 суманд аюулт үзэгдэл, ослын 106 удаагийн дуудлага Онцгой байдлын байгууллагад бүртгэгдсэн талаар ОБЕГ мэдээллээ. Дуудлагын дагуу төв, орон нутгийн Онцгой байдлын алба хаагчид газар дээр нь үүрэг гүйцэтгэн ажиллаж, 4 иргэний амь насыг аварч, шаардлагатай тусламж үйлчилгээг үзүүлжээ.
2025-06-09
Ханын материал орчмын 3000 айлын орон сууцны төсөл 2025 оноос хэрэгжинэ
Улаанбаатар хотыг 2025-2028 онд хөгжүүлэх 24 мега төслийн хүрээнд Сонгинохайрхан дүүргийн 5 дугаар хороонд байрлах Ханын материал орчимд 3000 айлын орон сууцны төсөл хэрэгжүүлэхээр төлөвлөжээ. Энэхүү төсөл нь нийслэлийн баруун бүсийн дахин төлөвлөлтийн нэг чухал хэсэг бөгөөд гэр хорооллыг орон сууцжуулах бодлогын хүрээнд хэрэгжүүлж буй томоохон ажлын нэг юм.
2025-06-09
Нярайн эндэгдлийг бууруулах үндэсний зорилтод олон улсын туршлагыг нутагшуулж байна
Монгол Улсын Засгийн газар нярайн эндэгдлийг бууруулах тодорхой зорилт тавин ажиллаж байгаа бөгөөд 2030 он гэхэд 1000 амьд төрөлт тутамд 5.5, 2050 он гэхэд 2.3 хүртэл бууруулах стратегийг хэрэгжүүлж эхлээд байна. Энэ зорилгын хүрээнд нотолгоонд суурилсан бодлого боловсруулах, гадаад дотоод хамтын ажиллагааг өргөжүүлэх, хүний нөөцийн чадавхыг бэхжүүлэх нь гол чиглэл болжээ.
2025-06-09
Г.Занданшатарыг Ерөнхий сайдад нэр дэвшүүлэхийг МАН-ын Удирдах зөвлөл дэмжив
Монгол Ардын Намын Удирдах зөвлөл хуралдаж, Монгол Улсын дараагийн Ерөнхий сайдад хэнийг нэр дэвшүүлэх талаар хэлэлцжээ. Хуралдаанаар тус намын Удирдах зөвлөлийн 100 хувийн саналаар Гомбожавын Занданшатарыг Монгол Улсын 33 дахь Ерөнхий сайдад нэр дэвшүүлэхийг дэмжсэн байна. Үүний зэрэгцээ түүнийг МАН-ын даргад нэр дэвшүүлэхээр тогтжээ. Гэхдээ эцсийн шийдвэрийг МАН-ын Бага хурлын гишүүдийн олонх гаргах юм.
2025-06-09
ИТХ-ын нөхөн сонгуульд 121 нэр дэвшигч өрсөлдөж байна
Аймаг, нийслэл, сум, дүүргийн Иргэдийн Төлөөлөгчдийн Хурлын 2025 оны нөхөн сонгуульд нийт 63 мандатын төлөө 121 нэр дэвшигч өрсөлдөхөөр нэр дэвшигчийн үнэмлэхээ энэ сарын 7-нд авч, албан ёсоор сонгуулийн сурталчилгаа эхэлжээ. Сонгуулийн сурталчилгаа энэ сарын 20-ныг дуустал үргэлжилнэ.
2025-06-09
Даатгалын салбарын нийт хураамж, хөрөнгө, ашиг нэмэгдэв
Монгол Улсын даатгалын салбар 2025 оны нэгдүгээр улиралд өсөлттэй үзүүлэлттэй байлаа. Ердийн болон урт хугацааны нийт 23 төрлийн даатгалын хэлбэрээс жолоочийн хариуцлагын даатгал нь албан журмын даатгалд тооцогддог бөгөөд энэ төрлийн даатгалын хураамж 12.6 тэрбум төгрөгт хүрсэн нь өнгөрсөн оны мөн үеэс 8.6 хувиар өсжээ. Ингэснээр нийт даатгалын хураамжийн 11.7 хувийг эзэлж байна.
2025-06-09
Канадын “Спрюс Медоуз” наадамд Монголын галерей нээгдлээ
Канад Улсын Альберта мужийн Калгари хотод зохион байгуулагдаж буй олон улсын “Спрюс Медоуз” морин спортын наадмын 50 жилийн ойн хүрээнд “Монголын галерей” үзэсгэлэнгийн асар энэ сарын 7-нд албан ёсоор нээлтээ хийлээ. Тус үзэсгэлэн нь монголын уламжлалт өв соёл, гар урлал, аялал жуулчлал, үндэсний үйлдвэрлэлийг дэлхий дахинд таниулах зорилготой юм.
2025-06-09
Карлос Алькарас Ролан Гарросын түүхэн дэх хамгийн удаан финалд ялалт байгууллаа
Испанийн шилдэг теннисчин Карлос Алькарас Францын нээлттэй тэмцээн буюу Ролан Гарросын эрэгтэйчүүдийн ганцаарчилсан төрлийн финалын тоглолтод Италийн Янник Синнерийг 3:2 харьцаагаар буулган авч, түүхэн ялалт байгууллаа. Энэхүү финал таван цаг 29 минут үргэлжилсэн нь Ролан Гарросын түүхэнд хамгийн удаан үргэлжилсэн эрэгтэйчүүдийн тоглолт болж шинэ дээд амжилт тогтоов.
2025-06-09
Насанд хүрээгүй хүүхдүүд автомашин жолоодож осол гаргасан ноцтой тохиолдлууд бүртгэгджээ
Өнгөрөгч амралтын өдрүүдэд буюу 2025 оны зургаадугаар сарын 7-8-ны хооронд насанд хүрээгүй хүүхдүүд тээврийн хэрэгсэл жолоодон зам тээврийн осолд холбогдсон хоёр ноцтой хэрэг бүртгэгдлээ. Тээврийн цагдаагийн албанаас мэдээлснээр, 13-16 насны хүүхдүүд эцэг эх, асран хамгаалагчийнхаа автомашиныг зөвшөөрөлгүйгээр жолоодож замын хөдөлгөөнд оролцсон нь осол гарах шалтгаан болжээ.
2025-06-09
Сэлэнгэ, Хөвсгөл, Булган аймагт ой, хээрийн дөрвөн түймэр гарчээ
Улсын хэмжээнд 2025 оны зургаадугаар сарын 8-ны байдлаар Сэлэнгэ, Хөвсгөл, Булган аймагт ой, хээрийн дөрвөн түймрийн дуудлага бүртгэгдэж, мэргэжлийн байгууллагууд шуурхай ажиллаж байна.
2025-06-09
Улаанбурхан өвчний тохиолдол зургаан мянга давж, хоёр хүн нас бараад байна
Халдварт өвчин судлалын үндэсний төвөөс өнөөдөр буюу 2025 оны зургаадугаар сарын 9-ний байдлаар улаанбурхан өвчний тархалтын талаар мэдээлэл гаргалаа. Тус төвийн мэдээлснээр улаанбурхан өвчний лабораториор батлагдсан тохиолдлын тоо нийтдээ 6046-д хүрээд байна. Эмнэлэгт хэвтэн эмчлүүлж буй 616 хүнээс 142 нь хөнгөн, 430 нь дунд, 38 нь хүнд хэлбэрийн оноштой байгаа бол гэрээр эмчлүүлж буй хүний тоо 832, эдгэрсэн хүний тоо 4596 болжээ.
2025-06-09
Түлэгдэлтээс урьдчилан сэргийлэх зөвлөмж
Засгийн газрын хэрэгжүүлэгч агентлаг болох Боловсролын ерөнхий газар, Эрүүл мэндийн яамтай хамтран бага насны хүүхдийг ахуйн орчин дахь түлэгдэлт болон бусад ослоос урьдчилан сэргийлэх зорилго бүхий зөвлөмжийг олон нийтэд хүргэж байна. Энэхүү мэдээллийг гэртээ бага насны хүүхэдтэй өрх бүр анхааралтай судалж, өдөр тутмын ахуйн хэрэглээндээ мөрдөх нь нэн чухал гэж холбогдох байгууллагууд онцолжээ.
2025-06-09
Нөөцийн махны өргөтгөсөн худалдаа зургаадугаар сарын 13 хүртэл үргэлжилнэ
Улаанбаатар хотын Захирагчийн ажлын албанаас мэдээлснээр, 2025 оны зургаадугаар сарын 13-ны өдрийг дуустал нийслэлийн 8 дүүргийн 38 байршилд нөөцийн махны өргөтгөсөн худалдаа зохион байгуулагдаж байна. Тус худалдааг "Өргөтгөсөн худалдаа" хэлбэрээр зохион байгуулж буй бөгөөд иргэд хямдралтай үнээр мах худалдан авах боломжтой.
2025-06-09
Сайнцагаан омгийн хонинд хаврын ангилалт хийж, үржил-сэлгээний зөвлөгөө өгчээ
Сайнцагаан суманд хаврын үзлэг, ангилалтын ажлыг “Уудам жаргалант” ХХК-ийн мал үржүүлэг, технологийн ажил үйлчилгээний нэгжтэй хамтран зохион байгуулж, Далай, Тэвш, Үйзэн багийн нийт 3200 хээлтэгч, хээлтүүлэгч хонийг хамрууллаа.
2025-06-09
АТГ 121 гомдол, мэдээлэл шалгаж, 9 хэргийг шүүхэд шилжүүлжээ
Авлигатай тэмцэх газрын Мөрдөн шалгах хэлтэс 2025 оны зургаадугаар сарын 2-8-ны өдрүүдэд гэмт хэргийн шинжтэй нийт 121 гомдол, мэдээллийг шалгажээ. Үүнээс 13-д нь хэрэг бүртгэлтийн хэрэг нээх, 12-д нь хэрэг бүртгэлтийн хэрэг нээхээс татгалзах, 1-г харьяаллын дагуу шилжүүлэх саналтайгаар прокурорт шилжүүлсэн байна. Харин үлдсэн 95 гомдол, мэдээллийг одоогоор хянан шалгаж буйг тус газраас мэдээллээ.
2025-06-09
“Алтан хайч-2025” тэмцээн Төв аймагт зохион байгуулагдана
Монгол Улсын Ерөнхийлөгчийн ивээл дор зохион байгуулагдаж буй “Алтан хайч-2025” тэмцээн энэ сарын 20, 21-нд Төв аймгийн Зуунмод сумын “Өв соёлын өргөө”-нд болох гэж байна. Энэхүү тэмцээн нь “Цагаан алт” үндэсний хөтөлбөрийн хэрэгжилтийг эрчимжүүлэх, мал аж ахуйн үйлдвэрлэлд орчин үеийн техник, тоног төхөөрөмж, шинэ технологийг нэвтрүүлэх, түүхий эдийн чанарыг сайжруулах зорилготой.
2025-06-09
Боловсролын багшийн хомсдлыг бууруулах талаар УИХ-ын ажлын хэсэг санал дэвшүүлжээ
Монгол Улсын Их Хурлын даргын 114 дүгээр захирамжаар байгуулагдсан ажлын хэсэг боловсролын ерөнхий хуулийн хэрэгжилт, бүх шатны сургуулийн багшийн хомсдолын асуудлыг судалж, менежментийг сайжруулах зорилгоор анхны тайлангаа танилцууллаа. Тус ажлын хэсгийг УИХ-ын гишүүн Ж.Галбадрах ахалсан бөгөөд боловсролын хүртээмж, сургалтын чанар, багшийн хүрэлцээ, менежментийн нөхцөл байдлыг цогцоор нь судалсан байна.
2025-06-09
