Монгол Улсын Ерөнхий сайд Г.Занданшатар “Рио Тинто” компанийн Зэсийн группийн захирал Кейти Жаксоныг хүлээн авч уулзлаа. Уулзалтаар “Оюу толгой” төслийн хүрээнд Монгол Улсын эрх ашиг, үр өгөөжийг нэмэгдүүлэх асуудлыг бүхэлд нь авч үзэх, цогц шийдэлд хүрэх шаардлагатайг Ерөнхий сайд онцлон тэмдэглэсэн байна.

Францын шилдэг довтлогч Килиан Мбаппе “Реал Мадрид” багийн бүрэлдэхүүнд АНУ-д болж буй клубүүдийн ДАШТ-д оролцож байгаа ч суулгалт өвчний улмаас хэсгийн сүүлийн тоглолтыг өнжихөөр боллоо. “РИА Новости”-ийн мэдээлснээр, Мбаппе эмнэлэгт хэвтэн эмчлүүлсний дараа багийн бэлтгэлд эргэн орсон ч Австрийн “Зальцбург” багтай хийх тоглолтын мэдүүлэгт нэр нь багтаагүй байна.

АНУ-ын Ерөнхийлөгч асан Дональд Трамп Иран улс цөмийн хөтөлбөрөө дахин сэргээх тохиолдолд АНУ цөмийн байгууламжуудад нь дахин цохилт өгөхөөс буцахгүй гэж мэдэгдлээ. Тэрбээр энэ тухайгаа лхагва гарагт Хааг хотноо эхэлсэн НАТО-гийн дээд хэмжээний уулзалтын өмнөхөн илэрхийлсэн байна.

Монгол Улсад хар тамхи, сэтгэцэд нөлөөт бодисын хэрэглээ болон хууль бус борлуулалт сүүлийн жилүүдэд эрчимтэй нэмэгдэж, гэмт хэргийн зохион байгуулалт илт өргөжин тэлж байна. Энэ төрлийн гэмт хэрэг нь зөвхөн ганц хоёр хүний оролцоотой бус, бүрэн бүтэн гэр бүл, найз нөхөд, танилуудын хүрээг хамарч, аюултай хамаарлын сүлжээ болон хувирчээ.

Улаанбаатар хот орчимд бамбай хоншоорт, рашааны гэх хоёр зүйлийн могой тархсан байдаг. Бамбай хоншоорт могой нь хортой могойн төрөлд багтах бөгөөд биеийн ерөнхий зүс их төлөв хул шарга юм уу хар хүрэн, нуруу ба сүүлний дагуу хөндлөн цагаан судалтай, сүүл богино бөгөөд хүүхэн хараа нь босоо, нүд хамрын сүвний хооронд гүнзгий хонхортой тул зэрвэс ажиглахад хамрын 4 сүвтэй мэт байдгаараа бусад могойноос хялбар ялгагдана. 

Он гарсаар Монгол Улсын хэмжээнд нийт 129 удаагийн ой, хээрийн гал түймэр бүртгэгдээд байгаа талаар Онцгой байдлын ерөнхий газраас мэдээллээ. ОБЕГ-аас түймрийн нөхцөл байдал болон авсан арга хэмжээний талаар өнөөдөр /2025.06.26/ УОК-ын Нарийн бичгийн дарга, хурандаа Т.Баярхүү, ОБЕГ-ын Гал түймэртэй тэмцэх газрын хэлтсийн дарга, дэд хурандаа П.Соронзонболд нар хэвлэлд мэдээлэл хийв.

2025 оны зургаадугаар сарын 26-ны өдөр “Урсгал уснаас эрэн хайх, аврах ажиллагаа” сэдэвт хамтарсан дадлага сургууль албан ёсоор эхэллээ. Энэхүү сургуулийг БНСУ-ын Үндэсний аврах бригад болон Монгол Улсын Аврах анги, Баянзүрх дүүргийн Онцгой байдлын хэлтсийн алба хаагчид хамтран зохион байгуулж байна.

Нийслэлийн ИТХ-ын дарга А.Баяр, Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч А.Амартүвшин нар Азийн Хөгжлийн Банкны Эрчим хүчний салбарын бүтээгдэхүүн хөгжүүлэлтийн газрын захирал Синди Киснерос-Тиангко тэргүүтэй албаны төлөөлөгчдийг хүлээн авч уулзлаа. Энэ үеэр Улаанбаатар хотын гэр хорооллын бүсэд сэргээгдэх эрчим хүч, тэр дундаа нарны эрчим хүчийг нэвтрүүлэх чиглэлээр талууд санал солилцсон байна.

Улсын Их Хурлын дэд дарга Х.Булгантуяад өнөөдөр, 2025 оны зургаадугаар сарын 26-ны өдөр Монгол Улсын сайд, Засгийн газрын Хэрэг эрхлэх газрын дарга С.Бямбацогт Эрчим хүчний тухай хуульд нэмэлт, өөрчлөлт оруулах тухай хуулийн төслийг албан ёсоор өргөн мэдүүллээ.

Улсын Их Хурал, Засгийн газрын гишүүн, шинээр томилогдсон Батлан хамгаалахын сайд Д.Батлут 2025 оны зургаадугаар сарын 26-ны өдөр үүрэгт ажилдаа орсны дараах анхны өргөтгөсөн шуурхай хуралдаанаа хийлээ. Уг хуралдаанд Зэвсэгт хүчний жанжин штабын дарга хошууч генерал С.Ганбямба, Батлан хамгаалах яамны төрийн нарийн бичгийн дарга бригадын генерал Д.Ганхуяг болон салбарын бусад удирдлагууд оролцож, хариуцсан нэгжийн үйл ажиллагаа, онцлог болон тулгамдаж буй асуудлуудаа танилцуулсан юм.

Нийслэлийн Прокурорын газрын Хэрэг бүртгэх, мөрдөн байцаах ажиллагаанд хяналт тавих II хэлтсээс Эрүүгийн хуулийн тусгай ангийн 20.7 дугаар зүйлд заасан “Мансууруулах эм, сэтгэцэд нөлөөт бодис хууль бусаар ашиглах” гэмт хэргийн нөхцөл байдалд хийсэн судалгааг танилцууллаа. 2025 оны эхний таван сарын байдлаар энэ төрлийн гэмт хэрэгт нийт 208 хүн холбогдон, эрүүгийн хэрэг үүсгэж, яллагдагчаар татагдсан байна.

Улсын Их Хурлын ээлжит чуулганы энэ өдөр (зургаадугаар сарын 26-ны Лхагва гараг) 10 цаг 05 минутад эхэлж, 57.1 хувийн ирцтэйгээр үргэлжиллээ. Чуулганы нэгдсэн хуралдаанаар нийт зургаан асуудлыг хэлэлцэхээр товлосон бөгөөд эхэнд нь УИХ-ын дэд дарга Х.Булгантуяа хэд хэдэн хуулийн төслүүдийг холбогдох байнгын хороодод хуваарилсан талаарх мэдээллийг танилцуулсан юм.

Эдийн засаг хүндэрлээ, хөрөнгө оруулаач, дэмжье баръя гэж гуйж гувшиж, хошгоруулж байгаад яг сайхан мөнгөө бариад хашаанд нь ороод ирэнгүүт хаалгаа түгжээд, хулгана барьж байгаа муур шиг базаад авдаг.

Засгийн газрын хуралдаанд өчигдөр “Жендэрийн эрх тэгш байдлыг хангах үйл ажиллагааны хэрэгжилт, үр дүнгийн талаар” танилцууллаа. Тус тайлангаар Монгол Улсын жендэрийн тэгш байдлын талаарх олон улсын үнэлгээ, үндэсний бодлогын хэрэгжилтийн ахиц дэвшлийг дүгнэжээ.

Нийслэлийн авто зогсоолын хүртээмжийг нэмэгдүүлэх ажлын хүрээнд Нийслэлийн Ерөнхий архитектор Ч.Төгсдэлгэр болон холбогдох албаныхан Баянгол дүүргийн 5, 6 дугаар хороонд ажиллаж, “10 дугаар хороолол”-ын авто зогсоолын нөхцөл байдалтай газар дээр нь танилцлаа.

Өнөөдөр буюу 2025 оны зургаадугаар сарын 26-ны өдрийн Улсын Их Хурлын нэгдсэн хуралдаан 10:00 цагт “Их хуралдай” танхимд эхэлнэ. Хуралдаанаар дараах асуудлуудыг хэлэлцэхээр төлөвлөжээ.

Улсын Их Хурлын Төрийн байгуулалтын байнгын хороо 2025 оны зургаадугаар сарын 25-ны өдрийн хуралдаанаараа Байнгын хорооны даргыг сонгох асуудлыг хэлэлцэж, УИХ-ын гишүүн Цэндийн Сандаг-Очирыг нэр дэвшүүлэхийг дэмжлээ.

Халдварт өвчин судлалын үндэсний төвөөс улаанбурхан өвчний нөхцөл байдлын талаар мэдээлэл өглөө. Өнөөдөр буюу 2025 оны зургаадугаар сарын 26-ны байдлаар нийт улаанбурхан өвчний лабораториор батлагдсан тохиолдол 9833,  эмнэлэгт хэвтэн эмчлүүлж байгаа 669, гэрээр 1012, эдгэрсэн 8145, Хавьтал 75657, нас баралт 7 байна.

Архангай аймгийн Төвшрүүлэх сумын Баян-Өндөр багийн “Дээд булаг” гэх газар 2025 оны зургаадугаар сарын 25-ны өдрийн 06:06 цагт 3.7 магнитудын хүчтэй газар хөдлөлт болжээ. Газар хөдлөлтийн төв нь аймгийн төвөөс зүүн зүгт 52 км, сумын төвөөс зүүн хойд зүгт 15 км зайд, 47°27'00.0"N, 102°04'48.0"E координатын дагуу бүртгэгдсэн байна.

Монгол орны өргөн уудам нутаг дэвсгэрт амьдарч буй иргэдэд эмнэлгийн яаралтай тусламжийг түргэн шуурхай, аюулгүй хүргэх шаардлага сүүлийн жилүүдэд эрс нэмэгдэж байгаа энэ үед, олон улсын жишигт нийцсэн нисдэг тэрэгний түргэн тусламжийн системийг Монгол Улсад нутагшуулах ажлыг албан ёсоор эхлүүлээд байна. Энэхүү санаачилгыг Монгол Улсын Засгийн газар Бүгд Найрамдах Франц Улстай хамтран хэрэгжүүлж байгаа бөгөөд агаараас эрэн хайх, аврах нэгж байгуулах, нисдэг тэрэг нийлүүлэх зэрэг ажлуудыг багтаасан томоохон төслийн хүрээнд зохион байгуулж байна.