x

Орос, Монгол, Хятадын хил залгаа уулсын судалбар зургийн үзэсгэлэн нээгдлээ

ОХУ, Монгол Улс, БНХАУ-ын Шинжаан Уйгарын Өөртөө засах орны 70 гаруй уран бүтээлчийн хамтарсан судалбар зургийн аяллыг ОХУ-аас тавдугаар сард зохион байгуулсан юм. Энэ  аялалд оролцсон монгол уран бүтээлчдийн хамтарсан "Уулсын өнгө" тайлан үзэсгэлэнг өчигдөр буюу долоодугаар сарын 4-ны өдөр Монголын Хүүхдийн урлан бүтээх төвийн “Орд” арт галерейд нээлтээ хийлээ.

Үзэсгэлэнд Төрийн соёрхолт, Урлагийн гавьяат зүтгэлтэн Ш.Чимэддорж, МУУГЗ С.Дагвадорж,  ахмад зураач Н.Оросоо, МУЭ-ийн нэрэмжит шагналт зураач Г.Лхагвасүрэн, Х.Пүрэвжав, Я.Бат-Ирээдүй, Б.Очирхуяг, Р.Баярмөнх, П.Ганбат, П.Одон, Г.Ариунболд, Х.Дастан, Ж.Ризабек, Б.Хайрат, К.Ёлка зэрэг зураачийн 60 гаруй судалбар зургийг дэлгэсэн байна. 

Тус үзэсгэлэнд гарсан Хятадын Шинжаан Уйгар, Оросын Уулын-Алтай, Монголын Алтай таван богдын хил залгасан сүрлэг уулсуудыг харуулсан судалбар зургууд нэн сонирхолтой. Энэхүү судалбар зургийн аяллыг Монголын Урчуудын Эвлэлээс залуу уран бүтээлчдээ оролцуулан жил бүр зохион байгуулахаар болсон байна.

"Уулсын өнгө" үзэсгэлэн долоодугаар сарын 4-14-ний хооронд “Орд” арт галерейд гарна.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

Top