"Game of Thrones" буюу "Хаадын тоглоом" цувралын Арья Старкын дүрийг бүтээсэн залуу жүжигчин Мэйси Уильямс "Two Weeks to Live" нэртэй инээдмийн цувралд тоглохоор болжээ. Энэхүү цуврал нь нийт зургаан ангиас бүрдэх бөгөөд үйл явдалд гэм зэмгүй тоглоом шоглоом буруу эргэснээр хайр дурлал, өшөө авалт болон хувирч байгаа талаар хошин байдлаар өгүүлэх гэнэ.

Цувралын гол дүр нь багадаа учир битүүлгээр аавыгаа алдсан Ким гэх залуу бүсгүй байна. Тэрээр ээжийнхээ хамтаар алслагдсан тосгон руу нүүж, тийм ч нийтэч бус Ники болон түүний ах Дэйв нартай танилцсанаар түүний амьдрал бүр ч илүү замбараагүй болдог тухай гарна. Тус цувралын гол дүр болох Кимийн дүрийг жүжигчин Мэйси Уильямс бүтээж байгаа аж.

"Two Weeks to Live" цувралын зураг авалт 2019 оны сүүлээр хийгдэж эхлэх бөгөөд 2020 онд нээлтээ хийхээр төлөвлөгджээ.