Улсын драмын эрдмийн театрын жүжигчин Ц.Цэрэнболдын тоглосон Украин, АНУ-ын уран бүтээлчдийн хамтарсан “The rising Hawk” буюу “Дүүлэн нисэх шонхор” киноны трейлэр цацагдлаа.
“Kinorob cinema day” кино компани, Украины төрийн кино нэгтгэлтэй хамтран бүтээж буй 110 минут үргэлжлэх эл бүтээлд 1241 онд өрнөх үйл явдлыг харуулсан байна.
Энэхүү түүхэн кино бүтээлийг Ахтем Сейтаблаев, Жонн Винн нар хамтран найруулж, “Терминатор-2” киноны тугалган хүний дүрээр алдаршсан Роберт Патрик, Холливудын жүжигчин Томми Фланаган, УДЭТ-ын жүжигчин Ц.Цэрэнболд нар гол дүр бүтээж байгаа юм.
Дашрампд, “The Rising hawk” буюу “Дүүлэн нисэх харцага” кино ирэх аравдугаар сарын 10-нд нээлтээ хийхээр болжээ.
