80 сая гаруй хүн энэ тоглоомд юаниа, чөлөөт цагаа 80 сая гаруй хүн зориулж байтал тэр талаар Хятадаас гадуур мэдэх хүн бараг алга. Энэ бол Tencent компанийн ээлжит хит  Honor Of Kings тоглоом...

App Annie судалгааны компанийн нийтэлсэн мэдээгээр, Tencent  компанийн  MOBA–тоглоом  Honor of Kings (мөн  King of Glory  нэрээр алдартай)  тавдугаар сард  Monster Strike  тоглоомоос илүү ашигтай тоглоом болов. Тоглоом Google Play болон iOS удирдлагатай төхөөрөмжүүд дээр давамгайлах болжээ. 

Honor of Kings нь iOS бааз дээр  гурав ба дөрөвдүгээр сард  ашгаар бас тэргүүн байранд байлаа. Гэтэл уг тоглоом тавдугаар сард зөвхөн AppStore дээр төдийгүй GooglePlay дээр тэргүүлэх болов. Honor of Kings нь энэ хоёр бааз дээр тэргүүлсэн Хятадын үйлдвэрийн анхны  шуурхай тоглоом боллоо. Google Хятадад сулхан нөлөөтэй гэж үзвэл энэ нь том амжилт юм.

Honor of Kings тоглоомыг 2015 оны арваннэгдүгээр сард гаргасан ба Tencent тоглоомд тохиромжтой энгийн удирдлагийн элементыг тоглоомд суулгажээ. WeChat ба QQ хэрэглэгчдийн асар том бааз нь  компанийн шинэ бүтээгдэхүүнийг урагшлуулах үнэ цэнэтэй нөөц болов. Өнгөрсөн онд тоглоом 10,7 тэрбум юань олсон бол Дорнын шинэ оноор түүний тоглогчдын тоо 80 сая хүрчээ.

Ширээний компьютер, шуурхай төхөөрөмжийн тоглоомын салбарт Tencent оны эхний улиралд  $3,9  ашиг босгож чадсан нь бусдын үзүүлэлтээс хамаагүй дээгүүр байлаа. Хятадууд ээлжит удаагаа тоглоомын зах зээлд өөрийн эрмэлзлэлээ ийнхүү харуулж байна.

Жилийн тооцоонд оруулснаар ашиг нь  30 хувиар өсч байна. Хэрэв зах зээлийн бусад өрсөлдөгч нарынх нь үзүүлэлтийг авч үзвэл  Activision Blizzard компани зөвхөн  $1,73 тэрбумын ашигтай, Tencent-ийн нутаг нэгтэн NetEase $1,6 тэрбумын орлого дээр  зогсчээ. Энэ онд Tencent онлайн тоглоомоор нийтдээ $10 тэрбум гаруй долларын ашиг олж, өөрийн 2016 оны дээд амжилтыг эвдэж магадгүй. Одоогоор бүх өрсөлдөгчөө ардаа орхисон байна.