-Урлагийн шинэ ирээдүй ирсэн гэж үү? Энэ нь хүний хувьд юу гэсэн үг вэ?-
Хиймэл оюун ухааны хөгжлийн технологи аль хэдийн гайхал төрүүлэхээ больсон. Эмэгтэйчүүдийн ELLE сэтгүүлийн редакцид хүртэл харилцааны талаар өгүүллэгүүд зохиодог "Женни" гэх оюун ухааны сүлжээ хүртэл байгаа. Сүүлийн жилүүдэд бид хүний биенд суулгаж болох техникийн төхөөрөмжийн хөгжилд ихээр анхаарч байгаа. Үнэндээ, аймаар жишээ болж байгаа София ихээхэн амжилттайгаар дэлхийгээр танилцуулагдаж яваа гээд хэлчихье.
Бас өөр нэг жишээ нь Engineered Arts робот техникийн компанийн “зөгнөлийн эрмэгийн зохиомж” гэх Ai-Da дэлхийн анхны зураач робот боллоо. Түүний онцлог нь хүний оролцоогүйгээр өөрөө зохион зурах чадвар ажээ. Нүдэн дэх микрочипээ ашиглан, кибер гартаа харандаа бариад тэр өөрөө зургаа бүтээж байна. Хиймэл оюун ухаан өмнө нь ийм зүйл хийж байсангүй.
Ai-Da нэр нь дэлхийн анхны программ бүтээгч, тоочин эмэгтэй Ада Лавлейсийг хүндэтгэсний илэрхийлэл ажээ. Ада Лавлейс нь Лидсийн их сургуульд тусгай программыг бүтээсэн юм. Шинэ хиймэл оюун ухаан нь цагаан цааснаас эхлээд 45 минутын дотор хүний хөргийг эсвэл амьтан ба амьгүй зүйлийг зурж чадах гэнэ. Үүний зэрэгцээ, Оксфордод ирэх тавдугаар сард болох Unsecured Futures үзэсгэлэн дээр Ai-Da барималч гэдгээ харуулан пластик, мөнгө, хүрлээр бүтээл хийхээр болж байгаа гэнэ. Түүгээр зогсохгүй, 1964 оны Йоко Оногийн «Хэсгийг огтол» перформансын хэсгийг хуулбарлан үзүүлнэ. Роботыг бүтээгчид, Йоко Оно түүний дуртай зураач гэж хэлж байна. Оногийн хорвоог харах тэргүүн чадвар, феменист шүтлэг нь роботод таалагддаг гэх юм. Бас Ai-Da Макс Эрнестын "Бяцхан морины өвчтэй хөл" зургийг бишэрдэг гэнэ. Зургийн сюрреалист пони нь роботыг санагдуулдагаас болохоор гэнэ. Энэ бүгдийг тэр тавдугаар сард үзүүлэн танилцуулах ажээ.
Ai-Da робот нь зөвхөн “харандаа барьсан төхөөрөмж” биш ярьж тайлбарлаж, асуултанд хариулдаг ажээ. Түүний царайг силикон арьсаар хийгээд шүд, буйлыг нь 3D-принтерээр хувилжээ. Робот техник сүүлийн хэдэн жилд жендерийн чиглэлээр ихээхэн хөгжиж байгаа. Хамгийн алдартай роботууд эмэгтэйн дүртэй Ai-Da ч мөн адил.
М.Цогт
