Японы тэргүүлэх авто үйлдвэрлэгчид болох Тоёота, Сүбарү компаниуд хамтран цахилгаан хөдөлгүүртэй автомашин үйлдвэрлэхээр төлөвлөж байгаа талаар Киодо агентлаг өнөөдөр мэдээллээ. 

Анх Сүбарү компани дангаараа цахилгаан автомашин үйлдвэрлэхээр төлөвлөж байсан боловч зардал нь хэт өндөр гарсан тул Тоёота-тай нэгдэх шийдвэр гаргасан байна. 

Харин Тоёота-гийн хувьд хос хөдөлгүүртэй автомашин удаан хугацааны турш үйлдвэрлэсэн арвин туршлагатай билээ. Хоёр компанийн хамтарсан брэнд болох дундаж ангиллын суудлын цахилгаан машин 2021 гэхэд худалдаанд гарах гэнэ.