Samsung корпораци шинэ ухаалаг утаснуудаа Сан-Францискт танилцуулав. Мөн анхны эвхэгддэг Galaxy Fold гар утсаа үзүүлжээ.
S10 ба S10+ загварууд адилхан шийдэлтэй QuadHD+ (3040 × 1440 цэг, 19:9) Dynamic AMOLED дэлгэцтэй болсон ба 6,1 ба 6,4 инч гэсэн хоёр хувилбарыг үзүүлэв. Дэлгэц нь хажуугийн эрмэгээр нугалардаг ба дээд болон доод хэсгүүдэд хүрээг бараг үлдээсэнгүй.
Ухаалаг утас нь нүүрэн ба ар талын хоёр камертай. Ар талын камер нь 12 мегапикселийн өргөн өнцөгт, 16 мегапикселийн хэт өргөн өнцгийн ба 12 мегапикселийн ердийн дурантай гэсэн гурван модельтай байх юм.
S10 ба S10+ нь нүүрний камертаа бөөрөнхий хэлбэрийн зүсэлт авсан ба Dual Pixel автомат фокусын 80° барилт бүхий 10 Мп f/1,9 камертай, үндсэн загварт нь бас нэг 8-Мп f/2,2 камерыг нэмжээ.
Galaxy S10 ба S10+ нь 8 GB-ын шуурхай санамжийн GDDRX4-тай бөгөөд 128 эсвэл 512 GB гэсэн хувилбартай.
Гурван загвар утасгүйгээр цэнэглэгдэнэ. Хиймэл оюун ухаан нь төхөөрөмжүүдийг цэнэглэхгүйгээр 24 цаг ажиллах боломжийг өгнө.
Galaxy S10+ нь Анар, Тана, Усан болор өнгүүдтэй хийгдсэн. Samsung Galaxy S10+ төхөөрөмжийн хар ба цагаан өнгийн вааран эх биенд 1 tb ба 12 gb ой санамж оржээ.
Galaxy S10 смартфоноос гадна Galaxy Fold төхөөрөмжийг Samsung танилцуулав. Энэ ухаалаг утас нь нугарч таблетад хувирдаг увидастай. Дэлгэгдээгүй үедээ дэлгэц нь хоёр талд ба дэлгэгдсэн үедээ 7,3 инчийн 2152 х 1536 цэгийн шийдэлтэй дэлгэц болон хувирна.
Түүнийг бүтээхдээ инженерүүд орчин үеийн Ухаалаг утасны эздийн шаардлагуудыг авч үзжээ.
Таблетын нь нэгэн зэрэг гурван дагуул хөтөлбөрийг явуулж болно.
Galaxy Fold хүчтэй процессортой (Snapdragon 855 байх), 12gb үйлдлийн ой санамжтай. Galaxy Fold цэнэглэгдэж байхдаа бусад төхөөрөмжийг зэрэг цэнэглэх чадвартай. Түүнийг дөрвөн өнгөөр гаргаж байгаа ба АНУ-д 2000 доллараар зарагдах гэнэ.
М.Цогт
