"20th Centery Fox" компани Японы алдарт зохиолч Юкито Киширогийн "Gunnm" нэртэй манга зохиолоос сэдэвлэсэн бүтээсэн робот бүсгүй Алитагийн тухай өгүүлэх адал явдалт, шинжлэх ухааны уран зөгнөлт кино энэ сарын 14-нд нээлтээ хийсэн юм. Уг киног дэлхийн шилдэг 10 кино болох "Титаник", "Аватар" киноны найруулагч Жеймс Камерон, Жон Ландау нар найруулжээ. 

Энэхүү киног 200 сая ам.долларын өртөгтэй бүтээсэн бөгөөд асар өндөр хүлээлттэй байсан юм. Киноны үйл явдал хамгийн сүүлд үлдсэн "Panama City"-д өрнөх бөгөөд доктор Дисон Идо хогийн цэгээс нэгэн киборг роботын үлдэгдлийг олж, түүнийг дахин сэргээдэг. Робот бүсгүй Алита ой санамжаа алдсан ч төд удалгүй өөрийгөө ер бусын хүч чадалтай болохыг олж мэддэг аж. 

"Alita:Battle Angel" нээлтээ хийснээс хойш гуравхан хоногийн дотор АНУ-д 29.1 сая ам.долларын орлого олсноор "Box office"-г тэргүүлж эхэллээ. 

Найруулагч Жэймс Камерон "Манга" зохиолоор өөрийн охиндоо зориулан кино хийхээр 20 жилийн өмнө эрхийг нь авч байжээ. Киноны гол дүрд жүжигчин Роса Салазар тоглосон бөгөөд жинхэнэ амьдрал дээрх жүжиглэх явцыг "CGI" технологитой хослуулан гол дүрийн бүсгүй Алитаг бүтээжээ. Уг кинонд ихэнх дүрүүд "CGI" технологи шаардсан дүр төрхтэй байсан бөгөөд бүх дүрийг бодит хүнтэй хослуулан жинхэнэ мэт амилуулж чаджээ.

"Alita: Battle Angel" кино энэ сарын 22-нд БНХАУ-ын зах зээлд нээлтээ хийх юм. Одоогоор дэлхийн тус кино 86 улсын кино театрын тайзнаа нээлтээ хийгээд байгаа ба манай улсад мөн нээлтээ хийсэн байгаа билээ. 

Дашрамд дуулгахад, "Grammy-2019" шагнал гардуулах ёслолоос "Оны шилдэг шинэ уран бүтээлч" шагналыг хүртсэн Дуа Липа уг киноны дууг амьлуулсан юм.